परभणी,(प्रतिनिधी) : पूर्णा येथील एका अल्पवयीन मुलीवर अत्याचार करणार्या आरोपीस जिल्हा व सत्र न्यायालयाने 14 वर्षे सश्रम कारावास व 25 हजार रुपये दंडाची, दंड न भरल्यास एक वर्षे साध्या कारावासाची शिक्षा ठोठावली. न्यायाधीश श्रीमती एस.एस. नायर यांनी गुरुवारी हा निकाल दिला.
पूर्णा येथील एका अल्पवयीन मुलीवर ऑगस्ट 2019 मध्ये आरोपी मनोज लक्ष्मण रोत्रे याने बळजबरीने सातत्याने अत्याचार केले. त्या दरम्यान ती मुलगी गर्भवती राहिली, तीने एका मुलालाही जन्म दिला. त्यानंतर या आरोपी विरुध्द पूर्णा पोलिस ठाण्यात बाल लैंगिक अत्याचार कलम कायद्यानुसार गुन्हा दाखल करण्यात आला.
या प्रकरणात तत्कालीन पोलिस निरीक्षक सुभाष राठोड यांनी तपास केला. न्यायालयात खटला उभा केला. सरकार पक्षातर्फे मुख्य सरकारी अभियोक्ता ज्ञानोबा दराडे यांच्या मार्गदर्शनाखाली अॅड. आनंद गिराम यांनी सरकार पक्षाची बाजू मांडली. 11 साक्षीदार तपासण्यात आले. न्यायालयाने त्यानंतर आरोपीस दोषी ठरवून शिक्षा ठोठावली. कोर्ट पैरवी अधिकारी म्हणून पोलिस उपनिरीक्षक सुरेश चव्हाण, अंमलदार प्रमोद सूर्यवंशी, राजू दहिफळे, वंदना आदोडे यांनी काम पाहिले.
Sunday, November 22
ताज्या बातम्या:
- खा. रामराव वडकूते यांचे नवी दिल्लीत अल्पशा आजाराने निधन
- दामपुरी येथून ५ लाखांची बोलेरो पिकअप चोरीला; अज्ञात चोरट्याविरुद्ध गुन्हा
- विशेष लोकअदालतीत 32 प्रकरणे निकाली : धनादेश अनादर प्रकरणांतून 28 लाख 96 हजार 806 रुपयांची वसुली; 21 नोव्हेंबर रोजी आयोजन
- कौसडीच्या सचिन अरुण गिरी यांना पीएच.डी. पदवी प्रदान गावाच्या शिरपेचात मानाचा तुरा
- राष्ट्रीय नवजात शिशु सप्ताहानिमित्त उपजिल्हा रुग्णालय गंगाखेड येथे जनजागृतीपर कार्यक्रमाचे आयोजन
- परभणीतील वाहतूक कोंडी, अतिक्रमण आणि खड्ड्यांचा प्रश्न ऐरणीवर; जिल्हाधिकाऱ्यांकडे AIYF चे सविस्तर निवेदन!
- संत तुकाराम महाविद्यालयात उद्या हभप बाळू महाराज गिरगावकर यांचे कीर्तन; स्व. अॅड. शेषरावजी भरोसे (आबा) यांच्या 17 व्या पुण्यस्मरणानिमित्त आयोजन
- छत्रपती शिवाजी महाराज पुतळा परिसरात बसच्या चाकाखाली सापडून एकाचा मृत्यू ; दुसरा जखमी


