राष्ट्रवादी काँग्रेस पक्षाच्या महानगर जिल्हाध्यक्षपदी अक्षय देशमुख यांची निवड

परभणी,(प्रतिनिधी) : राष्ट्रवादी काँग्रेस पक्षाच्या महानगर जिल्हाध्यक्षपदी अक्षय देशमुख यांची निवड करण्यात आली.
राज्याच्या उपमुख्यमंत्री श्रीमती सुनेत्रा पवार व राष्ट्रवादी काँग्रेस पक्षाचे प्रदेशाध्यक्ष सुनील तटकरे यांच्या पुढाकारातून तसेच ज्येष्ठ नेते नबाव मलिक व आमदार राजेश विटेकर यांच्या विशेष सहकार्यातून देशमुख यांची ही निवड करण्यात आली. मुंबई येथील राष्ट्रवादी काँग्रेस पक्षाच्या प्रदेश कार्यालयात देशमुख यांना महानगर जिल्हाध्यक्ष पदाचे नियुक्तीपत्र बहाल करण्यात आले.
दरम्यान, आपले नेते स्व. अजित पवार यांच्या पुरोगामी विचारांचा वारसा जपण्यासह परभणी महानगरात राष्ट्रवादी काँग्रेस पक्षास गतवैभव प्राप्त करुन देण्याकरीता आपण सर्वतोपरि प्रयत्न करु, असा विश्‍वास अक्षय दिलीपराव देशमुख यांनी यावेळी व्यक्त केला.