पतंजली योग समिती परभणीच्या वतीने  मोफत योग प्राणायम शिबिराचे आयोजन

परभणी,(प्रतिनिधी) : येथील पतंजली योग समितीच्या वतीने 23 ते 29 आक्टोंबर या कालावधीत सकाळी ठीक 5.30 ते 7.30 या वेळामध्ये मोफत योग प्राणायम शिबीर आयोजित करण्यात आले आहे.
दत्तनगरातील चौंडेश्‍वरी मंदिराजवळ असलेल्या मोकळ्या मैदानात आयोजित केलेल्या या शिबीराचे उद्घाटन योग शिक्षक सुभाष मेनकुदळे, श्री श्री रविशंकरजी महाराज, भारत स्वाभिमानचे जिल्हा प्रभारी धोंडीराम शेप, पतंजली युवा भारतचे प्रभारी प्रा. अनिल बडगुजर, बालाजी काळे आदींच्या उपस्थितीत होणार आहे.
विशेष या शिबिरामध्ये फिजिओथेरपिस्ट डॉ. अनंत कर्‍हाळे यांचे स्ट्रेचिंगचे व्यायाम होणार आहेत. शिबीरार्थींनी मॅट किंवा सतरंजी, पाणी बॉटल, नॅपकिन सोबत घेऊन यावे, असे आवाहन पतंजली योग समितीच्या वतीने करण्यात आले आहे.