पाथरी येथे जिल्हाधिकारी रघुनाथ गावडे यांनी निवडणूक कामकाजाचा घेतला आढावा

परभणी, (प्रतिनिधी) जिल्हाधिकारी तथा जिल्हा निवडणूक अधिकारी रघुनाथ गावडे यांनी आज पाथरी येथील तहसिल कार्यालयास भेट देऊन निवडणूक कामकाजाचा आढावा घेतला.
यावेळी पाथरी विधानसभा मतदारसंघाचे निवडणूक निर्णय अधिकारी तथा उपविभागीय अधिकारी शैलेश लाहोटी यांनी त्यांचे स्वागत केले. जिल्हाधिकारी यांनी सर्व नोडल अधिकाऱ्यांकडून निवडणूक कामकाजाचा आढावा घेऊन महत्त्वपूर्ण सूचना केल्या. निवडणूक कामामध्ये थोडाही हलगर्जीपणा होऊ नये याची दक्षता घेण्याच्या सूचना त्यांनी दिल्या. दरम्यान, विविध कक्षांमार्फत करण्यात येत असलेल्या निवडणूक कामकाजाबाबत जिल्हाधिकारी यांनी समाधान व्यक्त केले. यावेळी पाथरीचे तहसीलदार शंकर एन. हांदेशवार, मानवतचे तहसीलदार पांडुरंग माचेवाड उपस्थित होते.
***