श्री सद्गुरु बाळकृष्ण गोशाळा पालम येथे गोवंशास इयर टॅगींग करण्यात आले

पालम ( प्रतिनिधी) राज्य शासनाच्या पशुसंवर्धन विभागाने जनावरांना ( कानातील टॅग लावणे बंधनकारक केले आहे
केंद्र शासनाच्या पशुसंवर्धन विभागाने राष्ट्रीय डिजिटल पशुधन अभियानाचा भाग म्हणून भारतीय पशुधन प्रणाली लागू केली आहे. ही प्रणाली पशुधनासाठी सर्व प्रकारचे कान टॅगिंग रेकॉर्ड करते. त्यामुळं जनावरांची जन्म आणि मृत्यू नोंदणी, प्रतिबंधात्मक औषध,लसीकरण, वंध्यत्व उपचार, मालकी हक्क आणि जनावरांच्या खरेदी – विक्रीचे तपशील यासारखी माहिती यातून उपलब्ध होणार आहे. शिवाय आपत्ती काळात जनावर दगवल्यास अनुदान मिळवण्या साठी हा टॅग आवश्यक असणार आहे. जनावरांचे टॅगिंग नसल्यास शासकीय योजनांचा लाभ मिळणार नाही. त्यामुळं पशुपालकांना आपल्या जनावरांचे इअर टॅगिंग करुन घेणं आवश्यक आहे. त्यासाठी पशुपालकांनी आपल्या जवळच्या पशुवैद्यकीय अधिकाऱ्यांशी संपर्क करण्याचे आवाहन पशुसंवर्धन विभागाकडून करण्यात आले आहे.
पालम येथील श्री सद्गुरू बाळकृष्ण गोशाळा पालम येथे दि.25 रोजी सकाळी पशुवैद्यकीय दवाखाना पालम येथील कार्यतत्पर कर्मचारी अन्नरवाड समवेत सौरभ रोकडे आव्हाड
यांच्या वतीने गोशाळा पालम येथे सर्व गोधनास इयर टॅगींग करण्यात आले यावेळी गोवंशास कुठल्याही प्रकारची वेदना व दुखापत होऊ नये याची विशेषत: काळजी घेण्यात आली व गोशाळा येथील सर्वच गोधनास यशस्वीरित्या एयर टॅगींग प्रक्रिया पूर्ण करण्यात आली यावेळी संतोष जोशी तुकाराम ठाकरे भुजंग नावळे नरहरी लोखंडे अंकुश मोहिते गौरव कुलकर्णी यांच्या सहकार्याने एयर टॅगींग प्रक्रिया पूर्ण करण्यात आली
यावेळी गोशाळा चे सचिव अविनाश देविदासराव जोशी पालमकर यांनी पालम पशुवैद्यकीय दवाखान्याचे व कर्मचारी तथा उपस्थित गोसेवकांचे विशेष आभार व्यक्त केले