दहा वर्षापासून फरार आरोपी पोलिसांच्या ताब्यात

परभणी,(प्रतिनिधी) : गेल्या दहा वर्षांपासून फरार असणार्‍या कलम 379 मधील गुन्ह्यातील आरोपीस स्थानिक गुन्हा अन्वेषन विभाग व नक्षल सेलच्या पथकाने बुलढाणा जिल्ह्यातून ताब्यात घेतले.
आगामी सार्वत्रित निवडणूका शांततेत व सुरळीत पार पडाव्यात या दृष्टीने स्थानिक गुन्हा अन्वेषन विभागाने विविध गुन्ह्यातील फरारी आरोपींविरोधात शोध मोहिम सुरु केली आहे. त्यात नानलपेठ पोलिस ठाण्यात भादंवि कलम 379 मधील गुन्ह्यात गेल्या दहा वर्षांपासून फरार असणारा नंदू उर्फ नंदकिशोर उर्फ धर्मा अशोक वानखेडे यास स्थानिक गुन्हा अन्वेषण विभाग व नक्षल सेलच्या पथकाने मेहकर तालुक्यातील मुळी या गावातून 24 ऑक्टोंबर रोजी सापळा रचून मोठ्या शिताफीने ताब्यात घेतले. या आरोपीची पोलिसांनी चौकशी सुरु केली आहे. पोलिस निरीक्षक अशोक घोरबांड, अंमलदार मधुकर चट्टे, सुग्रीव केंद्रे, नक्षल सेलचे निलेश परसोडे आदींनी या मोहिमेत भाग घेतला.