परभणी :(प्रतिनिधी) आर.पी हॉस्पिटल आणि परभणी मेडीकल कॉलेज येथे विविध आजारावार उपचार व शस्त्रक्रिया केल्या आहेत. रुग्णसेवे करिता आणखी एक महत्वपूर्ण पाउल टाकत सहकार मंत्री बाबासाहेब पाटील यांच्या हस्ते आॅडिओमेट्री (कानाची श्रवण क्षमता तपासणी मशीन )सेंटरचे उद्घाटन करण्यात आले. या उद्घाटन सोहळ्याचे अध्यक्ष आ.डॉ.राहुल पाटील, आर. पी. हॉस्पिटलचे अधिष्ठाता डॉ. प्रमोद शिंदे, वैद्यकीय अधीक्षक डॉ. अमीर तडवी, डॉ फैज उल्ल रेहमान व हॉस्पिटल मधील सर्व डॉक्टर आणि कर्मचारी उपस्थीत होते. यावेळी बोलताना मंत्री बाबासाहेब पाटील म्हणाले की आज अत्याधुनिक आॅडिओमेट्री (कानाची श्रवण क्षमता तपासणी मशीन) युनिट असणे आरोग्याच्या दृष्टीने महत्वाचे आहे. दैनंदिन जीवनशैली तसेच २१व्या शतकातील व्यक्ती जास्त प्रमाणावर यंत्राचा वापर करत असून त्यामुळे नवजात बालकांना ऐकू न येणे व वृद्धांमध्ये निर्माण झालेल्या कर्णबधीरते मुळे ऐकू न येण्याच्या समस्या दिवसेंदिवस वाढत आहेत. आधुनिक तंत्रज्ञानाच्या युगामध्ये आरोग्य सुविधा दिवसेंदिवस महागडी सेवा होत चालली आहे. त्यामुळे सर्वसामान्य रुग्णांना आपल्या आरोग्य समस्यांवर उपचार करून घेणे परवडत नाही. अनेक रुग्ण आजारपण आपल्या अंगावर काढतात. यासाठी सर्वसामान्य रुग्णांची तपासणी करने गरजेचे आहे. त्यामुळे आजारपणाचे निदान होऊन डॉक्टरांना उपचार करणे शक्य होते. रुग्णालयाच्या महत्वपूर्ण व विधायक भूमिकेचे कौतुक करावे तितके कमी आहे. या सेन्टरमुळे सर्व सामान्य रुग्णाला मदत मिळेल असे प्रतिपादन सहकार मंत्री बाबासाहेब पाटील यांनी केले.
यावेळी आ. डॉ. पाटील म्हणाले की शून्य कर्णबतीरता हे ध्येय ठेवून पुढील वाटचाल करणार असल्याचे सांगितले. आॅडिओमेट्री मशीनद्वारे तपासणी करून रुग्णांना योग्य सल्ला आणि उपचार प्रदान करण्यात येणार आहे. तरी मोठ्या संख्येने नागरिकांनी या अत्याधुनिक आॅडिओमेट्री यंत्राचा लाभ घ्यावा असे आवाहन परभणी मेडिकल कॉलेज व आर.पी.हॉस्पिटलचे अधिष्ठाता डॉ. प्रमोद शिंदे यांनी केले. कार्यक्रमच्या यशस्वीतेसाठी प्रशासकीय अधिकारी गुणवंत अहिरे, राहुल कांबळे, स्वप्नील बोर्डे, विशाल आहेर व राहुल गायकवाड यांनी परिश्रम घेतले.
Sunday, November 22
ताज्या बातम्या:
- खा. रामराव वडकूते यांचे नवी दिल्लीत अल्पशा आजाराने निधन
- दामपुरी येथून ५ लाखांची बोलेरो पिकअप चोरीला; अज्ञात चोरट्याविरुद्ध गुन्हा
- विशेष लोकअदालतीत 32 प्रकरणे निकाली : धनादेश अनादर प्रकरणांतून 28 लाख 96 हजार 806 रुपयांची वसुली; 21 नोव्हेंबर रोजी आयोजन
- कौसडीच्या सचिन अरुण गिरी यांना पीएच.डी. पदवी प्रदान गावाच्या शिरपेचात मानाचा तुरा
- राष्ट्रीय नवजात शिशु सप्ताहानिमित्त उपजिल्हा रुग्णालय गंगाखेड येथे जनजागृतीपर कार्यक्रमाचे आयोजन
- परभणीतील वाहतूक कोंडी, अतिक्रमण आणि खड्ड्यांचा प्रश्न ऐरणीवर; जिल्हाधिकाऱ्यांकडे AIYF चे सविस्तर निवेदन!
- संत तुकाराम महाविद्यालयात उद्या हभप बाळू महाराज गिरगावकर यांचे कीर्तन; स्व. अॅड. शेषरावजी भरोसे (आबा) यांच्या 17 व्या पुण्यस्मरणानिमित्त आयोजन
- छत्रपती शिवाजी महाराज पुतळा परिसरात बसच्या चाकाखाली सापडून एकाचा मृत्यू ; दुसरा जखमी


