मोकाट कुत्र्याचा पेडगाव रोड येथे सुळसुळाट ; घेतला आठ जणांचा चावा

परभणी (प्रतिनिधी) शहरातील पेडगाव रोड वरील वैभव नगर प्रताप नगर इनायत नगर परिसरात कुत्र्यांचा सुळसुळाट झाला असून या कुत्रा पैकी एका कुत्र्याने आज शुक्रवारी सकाळी आठ जणांचा चावा घेतला असून या पिसाळलेल्या कुत्र्याचं ताबडतोब बंदोबस्त करावा अशी मागणी परिसरातील नागरिकातून होत आहे.
शहरातील जुना पेडगाव परिसरात कुत्र्यांचा मोठ्या प्रमाणात सुळसुळाट झाला असून ही कुत्री आता नागरिकांवर हल्ले करू लागले आहेत रात्री अपरात्री प्रवास होऊन येणाऱ्या प्रवाशांवर देखील हल्ला करीत आहेत शुक्रवारी सकाळच्या सुमारास या कुत्र्यांपैकी एका पिसाळलेल्या कुत्र्याने एका वृद्ध महिलासह इतर सात जणांचा चावा घेतला. या रुग्णांना ताबडतोब रुग्णालयात परिसरातील नागरिकांनी उपचारार्थ दाखल करून त्यांच्यावर उपचार केले. या परिसरात वाढलेल्या कुत्र्यांच्या संख्येवर ताबडतोब अंकुश आणावा व ताबडतोब बंदोबस्त करावा अशी मागणी पेडगाव रोड परिसरातील नागरिकांकडून होत आहे. या पिसाळलेल्या कुत्र्यामुळे परिसरात घबराटीचे वातावरण आहे.