पालकमंत्री मेघनादीदी बोर्डीकर यांच्या हस्ते भाजपा अनुसूचित जाती मोर्चा जिल्हाध्यक्ष सुमित भालेराव यांच्या कार्यालयाचे लोकार्पण

परभणी (प्रतिनिधी) भारतीय जनता अनुसूचित जाती मोर्चा परभणी महानगर जिल्हाध्यक्ष श्री. सुमित भालेराव यांच्या जनसंपर्क कार्यालयाचे उद्घाटन कारेगाव रोड परिसरात मोठ्या उत्साहात पार पडले.
या उद्घाटन सोहळ्याला पालकमंत्री मा. मेघनादीदी बोर्डीकर यांच्या शुभहस्ते व भाजपा परभणी महानगर जिल्हाध्यक्ष शिवाजी भरोसे यांच्या प्रमुख उपस्थितीत कार्यक्रमाचे आयोजन करण्यात आले. यावेळी भाजपा पदाधिकारी, कार्यकर्ते व नागरिक मोठ्या संख्येने सहभागी झाले होते.मान्यवरांनी आपल्या मनोगतात सांगितले की, हे जनसंपर्क कार्यालय जनतेशी थेट संवाद साधण्यासाठी प्रभावी व्यासपीठ ठरेल. नागरिकांच्या अडचणींचे त्वरित निराकरण करण्यासोबतच शासकीय योजना, विकासकामे आणि उपक्रमांची माहिती लोकांपर्यंत पोहोचविण्याचे महत्त्वाचे केंद्र ठरेल, असा विश्वास त्यांनी व्यक्त केला.
या प्रसंगी कार्यकर्त्यांनी श्री. सुमित भालेराव यांचे मनःपूर्वक अभिनंदन करून पुढील कार्यासाठी शुभेच्छा दिल्या.