परभणी,(प्रतिनिधी) : परभणी जिल्ह्याचे भूमीपुत्र रामराव वडकुते यांची राज्यसभा सदस्य म्हणून निवड झाल्याबद्दल परभणीकरांच्या वतीने येत्या रविवारी 12 एप्रिल रोजी परभणीत भव्य नागरी सत्कार सोहळा आयोजित करण्यात आला आहे, अशी माहिती नागरी सत्कार समितीच्या पदाधिकार्यांनी शनिवार 4 एप्रिल रोजी एका पत्रकार परिषदेतून दिली.
माजी उपमहापौर भगवानराव वाघमारे, अॅड. स्वराजसिंह परिहार, किर्तीकुमार बुरांडे, राजेंद्र वडकर यांच्यासह अन्य नेतेमंडळींनी शनिवारी आयोजित केलेल्या या पत्रकार परिषदेतून खासदार वडकुते यांची राज्य सभेवरील निवड ही परभणीकरांच्या दृष्टीने सार्थ अभिमानाची बाब आहे, असे नमूद केले. आपल्या माणसाचा आपल्याच माणसांनी गौरव केला पाहिजे, या भावनेतून समस्त परभणीकरांच्या वतीने 12 एप्रिल रोजी रविवारी एमआयडीसीतील हॉली डे फन पार्कच्या लॉनवर सायंकाळी 6 वाजता हा नागरी सत्कार सोहळा आयोजित करण्यात आला आहे, असे ते म्हणाले.
या सोहळ्यात जिल्ह्याच्या पालकमंत्री सौ. मेघना साकोरे-बोर्डीकर यांच्याहस्ते खासदार वडकुते यांचा सत्कार करण्यात येणार असून अध्यक्षस्थानी माजी मंत्री सुरेश वरपुडकर हे असणार आहेत. तर प्रमुख पाहुणे म्हणून खासदार संजय जाधव, आमदार डॉ. राहुल पाटील, आमदार राजेश विटेकर, माजी आमदार सुरेश दादा देशमुख, माजी खासदार अॅड. तुकाराम रेंगे, माजी खासदार डॉ. फौजिया खान, माजी आमदार अॅड. विजय गव्हाणे, माजी आमदार बाबाजानी दुर्राणी माजी आमदार डॉ. मधुसुदन केंद्रे, माजी आमदार रामप्रसाद बोर्डीकर, माजी आमदार विजयराव भांबळे व महापौर सय्यद इकबाल हे प्रमुख पाहुणे म्हणून उपस्थित राहणार आहेत. या सोहळ्यास नागरीकांनी मोठ्या संख्येने उपस्थित रहावे, असे आवाहन भगवानराव वाघमारे, अॅड. स्वराजसिंह परिहार, भिमराव हत्तीअंबीरे, किर्तीकुमार बुरांडे, प्रमोद वाकोडकर, विठ्ठलराव रबदडे, विजय वरपुडकर, तुकाराम साठे, संतोष मुरकुटे, चंद्रकांत बोकन, नानासाहेब राऊत, अशोकराव लवटे, अभय कुंडगीर, चंद्रकांत डहाळे, विशाल बुधवंत, विष्णू कुटे, राजेंद्र वडकर, प्रविण देशमुख, आसाराम लोमटे, संतोष धारासूरकर, रमेश गोळेगांवकर, प्रल्हादराव चिंचाणे, मुंजाभाऊ गायकवाड, भारत आव्हाड व अनंता बनसाडे यांनी केले.
Sunday, November 22
ताज्या बातम्या:
- खा. रामराव वडकूते यांचे नवी दिल्लीत अल्पशा आजाराने निधन
- दामपुरी येथून ५ लाखांची बोलेरो पिकअप चोरीला; अज्ञात चोरट्याविरुद्ध गुन्हा
- विशेष लोकअदालतीत 32 प्रकरणे निकाली : धनादेश अनादर प्रकरणांतून 28 लाख 96 हजार 806 रुपयांची वसुली; 21 नोव्हेंबर रोजी आयोजन
- कौसडीच्या सचिन अरुण गिरी यांना पीएच.डी. पदवी प्रदान गावाच्या शिरपेचात मानाचा तुरा
- राष्ट्रीय नवजात शिशु सप्ताहानिमित्त उपजिल्हा रुग्णालय गंगाखेड येथे जनजागृतीपर कार्यक्रमाचे आयोजन
- परभणीतील वाहतूक कोंडी, अतिक्रमण आणि खड्ड्यांचा प्रश्न ऐरणीवर; जिल्हाधिकाऱ्यांकडे AIYF चे सविस्तर निवेदन!
- संत तुकाराम महाविद्यालयात उद्या हभप बाळू महाराज गिरगावकर यांचे कीर्तन; स्व. अॅड. शेषरावजी भरोसे (आबा) यांच्या 17 व्या पुण्यस्मरणानिमित्त आयोजन
- छत्रपती शिवाजी महाराज पुतळा परिसरात बसच्या चाकाखाली सापडून एकाचा मृत्यू ; दुसरा जखमी


