परभणी,प्रतिनिधी) : शहरातील मातोश्री नगर परिसरातील एका बंद घराचे कुलूप तोडून अज्ञात चोरट्यांनी सोन्याचे दागिने व रोख रक्कम असा सुमारे 93 हजार 423 रुपयांचा ऐवज लंपास केल्याची घटना उघडकीस आली आहे. याप्रकरणी नवा मोंढा पोलीस ठाण्यात अज्ञात चोरट्यांविरुद्ध गुन्हा दाखल करण्यात आला आहे.
पोलिसांनी दिलेल्या माहितीनुसार, किशनराव बापुराव कदम (वय 74, रा. मातोश्री नगर, परभणी) हे आपल्या मुलगी सोनाली कदम यांच्यासह 1 जुलै रोजी घराला कुलूप लावून सातारा येथे मुलाखतीसाठी गेले होते. त्यानंतर ते पुणे येथे मुलाकडे मुक्कामी राहिले. 6 जुलै रोजी सकाळी किशनराव कदम हे परभणीतील घरी परतले असता घराच्या मुख्य दरवाजाचे कुलूप तुटलेले आढळून आले. घरात प्रवेश करून पाहणी केली असता सर्व साहित्य अस्ताव्यस्त पडलेले दिसले. बेडरूममधील लोखंडी कपाटाचे कुलूप तोडून त्यामधील सोन्याचे दागिने तसेच दुसर्या कपाटातील रोख रक्कम चोरीस गेल्याचे निदर्शनास आले. चोरीस गेलेल्या ऐवजात 27.610 ग्रॅम वजनाचे सोन्याचे गंठण, 6.960 ग्रॅम वजनाचे सोन्याचे नेकलेस, 2.860 ग्रॅम वजनाचे मणी मंगळसूत्र, पाच रुपयांची 500 नाणी आणि 500 रुपयांच्या सात नोटांचा समावेश आहे. या सर्व ऐवजाची एकूण किंमत 93 हजार 423 रुपये असल्याचे फिर्यादीने नमूद केले.
1 जुलै ते 6 जुलै या कालावधीत अज्ञात चोरट्यांनी घराचे कुलूप तोडून आत प्रवेश करत चोरी केल्याचा संशय व्यक्त करण्यात आला आहे. याप्रकरणी नवा मोंढा पोलीस ठाण्यात अज्ञात चोरट्याविरुद्ध गुन्हा दाखल करण्यात आला असून पुढील तपास पोलीस करीत आहेत.
Sunday, November 22
ताज्या बातम्या:
- खा. रामराव वडकूते यांचे नवी दिल्लीत अल्पशा आजाराने निधन
- दामपुरी येथून ५ लाखांची बोलेरो पिकअप चोरीला; अज्ञात चोरट्याविरुद्ध गुन्हा
- विशेष लोकअदालतीत 32 प्रकरणे निकाली : धनादेश अनादर प्रकरणांतून 28 लाख 96 हजार 806 रुपयांची वसुली; 21 नोव्हेंबर रोजी आयोजन
- कौसडीच्या सचिन अरुण गिरी यांना पीएच.डी. पदवी प्रदान गावाच्या शिरपेचात मानाचा तुरा
- राष्ट्रीय नवजात शिशु सप्ताहानिमित्त उपजिल्हा रुग्णालय गंगाखेड येथे जनजागृतीपर कार्यक्रमाचे आयोजन
- परभणीतील वाहतूक कोंडी, अतिक्रमण आणि खड्ड्यांचा प्रश्न ऐरणीवर; जिल्हाधिकाऱ्यांकडे AIYF चे सविस्तर निवेदन!
- संत तुकाराम महाविद्यालयात उद्या हभप बाळू महाराज गिरगावकर यांचे कीर्तन; स्व. अॅड. शेषरावजी भरोसे (आबा) यांच्या 17 व्या पुण्यस्मरणानिमित्त आयोजन
- छत्रपती शिवाजी महाराज पुतळा परिसरात बसच्या चाकाखाली सापडून एकाचा मृत्यू ; दुसरा जखमी


