राष्ट्रीय स्वयंसेवक संघाचा माधव नगर विभागाचा 24 ऑक्टोंबर रोजी विजयादशमी उत्सव

परभणी,(प्रतिनिधी) : येथील राष्ट्रीय स्वयंसेवक संघ माधव नगर विभागाच्या वतीने 24 ऑक्टोंबर शनिवार रोजी विजयादशमीचा उत्सव आयोजित करण्यात आला आहे.
राष्ट्रीय स्वयंसेवक संघाच्या सहा प्रमुख उत्सवांपैकी एक असलेला विजयादशमीचा उत्सव माधव नगर विभागात वसमत रस्त्यावरील कल्याण नगरातील मारोती मंदिरात 24 ऑक्टोंबर शनिवारी सायंकाळी 6.15 वाजता आयोजित करण्यात आला आहे. यावेळी राष्ट्रीय स्वयंसेवक संघाचे सरसहकार्यवाह आलोक कुमार हे प्रमुख वक्ते म्हणून तर सेलू येथील उद्योजक अविनाश जयप्रकाश बियाणी हे प्रमुख पाहुणे म्हणून उपस्थित राहणार आहेत. सर्व संघ स्वयंसेवकांनी पूर्ण गणवेशात निर्धारीत वेळेच्या आत 15 मिनीटांनी सहकुटूंब उपस्थित रहावे, असे आवाहन माधव नगर विभागाचे कार्यवाह अजय हमदापुरकर यांनी केले आहे.