परशुराम आर्थिक विकास महामंडळ संघर्ष समितीच्या वतीने आनंद भरोसे यांना बिनशर्त पाठिंबा जाहीर

परभणी (प्रतिनिधी) शुक्रवार दि 15 नोव्हेंबर रोजी येथील अन्नपूर्णा लॉन्स येथे खा श्रीकांत शिंदे यांची सभा महायुतीचे उमेदवार आनंद भरोसे यांच्या प्रचारार्थ आयोजित करण्यात आली होती. यावेळी परशुराम आर्थिक विकास महामंडळ संघर्ष समितीच्या वतीने खा. श्रीकांत शिंदे यांच्या उपस्थितीत महायुती चे उमेदवार आनंद भरोसे यांना पाठिंबा जाहीर करण्यात आला.
यावेळी संदर्भात बोलताना संयोजक स्वप्नील पिंगळकर म्हणाले की सकल ब्राह्मण समाजाच्या उन्नतीसाठी मागील अनेक वर्षापासून ब्राह्मण समाजाच्या हितासाठी स्वतंत्र परशुराम महामंडळ स्थापन करण्यात यावे यासाठी आत्तापर्यंत अनेक निवेदन, आंदोलन व शिष्टमंडळाद्वारे मुख्यमंत्री व उपमुख्यमंत्री यांच्यासोबत बैठक अशा अनेक प्रकारे परशुराम महामंडळ मिळवण्यासाठी संघर्ष समितीच्या वतीने प्रयत्न केले होते.
ब्राह्मण समाजाला स्वतंत्र परशुराम आर्थिक विकास महामंडळ हे महायुती सरकारने दिले असून त्यासाठी समिती महायुतीचे उमेदवार आनंद शेषेराव भरोसे यांनी समाजासाठी शासन दरबारी वेळोवेळी यशस्वी पाठपुरावा केला व तसेच मुख्यमंत्री शिंदे व उपमुख्यमंत्री देवेंद्र फडणवीस यांच्यासोबत शिष्टमंडळाद्वारे आमची भेटही घडून आणली.
ब्राह्मण समाजाच्या परशुराम आर्थिक विकास महामंडळासाठी त्यांनी केलेल्या सहकार्याबद्दल येणाऱ्या विधानसभा निवडणुकीत संघर्ष समितीच्या वतीने बिनशर्त जाहीर पाठिंबा देत असल्याचे सांगितले.
यावेळी महायुती तथा शिवसेनेचे उमेदवार आनंद भरोसे, प्रचार प्रमुख राजू कापसे, मोहन कुलकर्णी आदींसह परशुराम आर्थिक विकास महामंडळ संघर्ष समितीचे सदस्य उपस्थित होते.