अपर जिल्हाधिकारी डॉ. प्रताप काळे यांनी बजावला मतदानाचा अधिकार; लोकशाहीच्या बळकटीकरणासाठी मतदारांनी अवश्य मतदान करावे नागरिकांना केले आवाहन

परभणी, (प्रतिनिधी) विधानसभा निवडणूक कर्तव्यावरील अधिकारी व कर्मचाऱ्यांना मतदानाचा हक्क बजावता यासाठी टपाली मतदानाची सुविधा उपलब्ध करण्यात आली आहे. आज अपर जिल्हाधिकारी डॉ. प्रताप काळे यांनी टपाली मतदान सुविधेच्या माध्यमातून आपला मतदानाचा हक्क बजावला.
प्रत्येक मत हे अमूल्य आहे. लोकशाहीच्या बळकटीकरणासाठी मतदारांनी मतदान हे केलेच पाहिजे. मतदानाचा आपला अधिकार बजावणे आवश्यक आहे. मी मतदान केले आहे, आपणही मतदान करावे. बुधवार, दि. 20 नोव्हेंबर रोजी सर्व मतदार विशेषत: नवमतदारांनी उत्स्फूर्तपणे मतदान करावे, असे आवाहन डॉ. काळे यांनी सर्व मतदारांना केले आहे.
परभणी येथील तहसिल कार्यालयातील टपाली मतदान सुविधा केंद्रात डॉ. काळे यांनी मतदानाचा हक्क बजावला. यावेळी त्यांच्यासमवेत निवासी उपजिल्हाधिकारी अनुराधा ढालकरी, उपजिल्हाधिकारी संतोषी देवकुळे यांनीही टपाली मतदान केले.
(छाया- उत्तम बोरसुरीकर)