वृत्तपत्र कार्यालयास पोलीस संरक्षण देण्यात यावे ; परभणी जिल्हा पत्रकार संघाची मागणी

परभणी प्रतिनिधी- परभणी बंद काळाच्या दरम्यान वृत्तपत्र कार्यालयास पोलीस संरक्षण देण्यात यावे अशी मागणी अप्पर जिल्हाधिकारी यांच्याकडे परभणी जिल्हा पत्रकार संघाने एका निवेदनाव्दारे केली आहे.
परभणी येथे दि.११ डिसेंबर रोजी परभणी बंदचे आवाहन करण्यात आले होते. परंतू काही समाज कंटकांनी वृत्तपत्र कार्यालयासमोर येवून दमदाटी करत काही पत्रकारांना कार्यालय बंद करण्याचे सांगत धमकाविण्याचा प्रयत्न केला. लोकशाहीचा चौथा आधारस्तंभ असणाऱ्या वृत्तपत्र व पत्रकारांना कामकाज करण्यापासून रोखण्यात आले होते. अशा घटना वांरवार होऊ नये म्हणून खबरदारीचा उपाय म्हणून पत्रकारांना संरक्षणाची गरज आहे. बंद काळाच्या दरम्यान वृत्तपत्र कार्यालयास पोलीस संरक्षण देण्यात यावे अशी मागणी जिल्हाधिकारी यांच्याकडे परभणी जिल्हा पत्रकार संघाने एका निवेदनात केली आहे.या निवेदनावर परभणी जिल्हा पत्रकार संघाचे अध्यक्ष राजकुमार हट्टेकर ,कार्याध्यक्ष परमेश्वर दिपके, राज्य कार्यकारिणीचे सरचिटणीस सुरेश नाईकवाडे,प्रदेश प्रतिनिधी लक्ष्मण मानोलीकर प्रसिध्दी प्रमुख मोईन खान,सुधाकर श्रीखंडे,लक्ष्मीकांत बनसोडे ,अनिल दाभाडकर आदींच्या सह्या आहेत.