राष्ट्रवादीच्या ग्रामीण जिल्हाध्यक्षपदी आ.राजेश विटेकर यांची नियुक्ती

परभणी,(प्रतिनिधी) : राष्ट्रवादी काँग्रेस पार्टीच्या परभणी ग्रामीण जिल्हाध्यक्षपदी पाथरी विधानसभा मतदारसंघाचे  पाथरी मतदारसंघाचे आ. राजेश विटेकर यांची पक्षश्रेष्ठींद्वारे नियुक्ती करण्यात आली आहे.
राष्ट्रवादी काँग्रेस पार्टीचे प्रदेशाध्यक्ष सुनील तटकरे यांच्या स्वाक्षरीने व पक्षाचे अध्यक्ष अजितदादा पवार यांच्याहस्ते मंगळवार 28 जानेवारी रोजी आ. विटेकर यांना हे नियुक्तीचे पत्र देण्यात आले. यावेळी राष्ट्रवादीचे परभणी शहर जिल्हाध्यक्ष तथा परभणीचे प्रथम महापौर प्रताप देशमुख यांची उपस्थिती होती. या नियुक्तीबद्द आमदार विटेकर यांचे अभिनंदन होत आहे.
दरम्यान, पक्षाने वेळोवेळी दिलेल्या संधीमुळेच आपणास इथपर्यंतचा प्रवास करता आला. परभणी जिल्ह्यात राष्ट्रवादी काँग्रेस पक्ष वाढवण्यासह पक्षाची ध्येय धोरणे तळागाळातील जनतेपर्यंत पोहचवण्यासाठी आपण सदैव तत्पर राहू, असा विश्‍वास आ. विटेकर यांनी व्यक्त करीत पक्षाचे अध्यक्ष पवार, राष्ट्रीय कार्याध्यक्ष प्रफुल्ल पटेल व प्रदेशाध्यक्ष तटकरे यांचे आभार व्यक्त केले.