पुणे ते सेलू पत्रकार एकता रँलीचे आयोजन; शुक्रवारी होणार सेलूत स्वागत

परभणी (प्रतिनिधी) मराठी पत्रकार परिषदेच्यावतीने 1 फेब्रुवारी 2025 रोजी परभणी जिल्ह्यातील सेलू येथे आदर्श तालुका आणि जिल्हा पत्रकार संघ पुरस्कार वितरण सोहळा आणि तालुका अध्यक्षांचा मेळावा संपन्न होत आहे.. या मेळाव्याच्या निमित्तानं पुणे ते सेलू अशी पत्रकार एकता रॅली काढण्यात येणार आहे. सेलू येथे आल्यानंतर जिल्हा पत्रकार संघ व तालुका पत्रकार संघाच्या वतीने या रॅलीचे स्वागत करण्यात येणार आहे.
शुक्रवारी  31 जानेवारी रोजी सकाळी 8 वाजता पुणे येथून रँलीला सुरूवात होईल. ही रॅली शिक्रापूर, शिरूर, नगर, कडा, आष्टी, जामखेड, पाटोदा , बीड, वडवणी, तेलगाव, माजलगाव, पाथरी मार्गे रात्री 8 वाजेपर्यंत सेलू येथे पोहोचेल. पुणे येथून रॅलीचे निघाल्यानंतर मार्गावरील तालुका संघांनी गावातील प्रमुख व्यक्ती सह रँलीचे स्वागत करण्यात येणार आहे. त्याच बरोबर या मार्गावरील पत्रकार संघ देखील या रॅलीमध्ये सहभागी होणार आहेत.
या रॅलीमध्ये एस.एम.देशमुख, किरण नाईक, शरद पाबळे, मिलिंद अष्टीवकर, शिवराज काटकर, मन्सूरभाई शेख, संदीप कुलकर्णी, अनिल वाघमारे, गणेश मोकाशी, रवी उबाळे आदि परिषदेचे पदाधिकारी सहभागी होतील. ही रॅली सायंकाळी सेलू येथे आल्यानंतर परिषदेचे सरचिटणीस सुरेश नाईकवाडे, पत्रकार संघाचे जिल्हाध्यक्ष प्रभू दिपके, कार्याध्यक्ष लक्ष्मण मानोलीकर, राजू हट्टेकर, विठ्ठलराव वडकुते यांच्यासह तालुका पत्रकार संघाचे अध्यक्ष लक्ष्मण बागल, जिल्हा सरचिटणीस मोहमद इलियास, कांचन कोरडे, शेख मोहसीन, संजय मुंडे, निसार पठाण, रेवणअप्पा साळेगावकर, दिलीप मोरे, सतिष आकात, निरज लोया, अबरार बेग आदींसह पत्रकार स्वागत करणार आहेत. यासाठी पत्रकारांनी उपस्थित राहण्याचे अवाहन करण्यात आल ेआहे.