आंतरराष्ट्रीय भिक्खु संघाच्या उपस्थित ; बुद्धगया ते लुंबिनी पर्यंत भव्य धम्म पदयात्रेचे आयोजन – डॉ.सिद्धार्थ हत्तीअंबिरे

परभणी – बुद्धगया ते सारनाथ , लुंबिनी पर्यंत आंतरराष्ट्रीय बौध्द भिक्खु संघाच्या उपस्थितीत दिनांक १५ फेब्रुवारी ते ३१ मार्च २०२५ पर्यंत भव्य धम्म पदयात्रेचे आयोजन करण्यात आले आहे. या धम्म पदयात्रेची सुरवात बुद्धगया येथून होणार असल्याची माहिती धम्म उपासक डॉ.सिद्धार्थ हत्तीअंबिरे यांनी दिली आहे .
यावेळी थायलंड येथील भदंत सोंगसेन फँटफियन, महाउपासिका सिरीलक मैथाई, कॅप्टन नटकीट यांच्या सह अभिनेते गगन मलिक यांची प्रमुख उपस्थिती राहणार आहे.
धम्म पदयात्राचे हे दुसरे वर्ष असून बुद्धांच्या जन्मभूमी लुंबिनी पर्यंत हि धम्म  पदयात्रा काढण्यात येणार आहे. बौद्ध धम्मामध्ये धम्म पदयात्रेचे अनन्यसाधारण महत्त्व आहे. थायलंड येथील भंतेजीच्या उपस्थित यापूर्वी परभणी ते चैत्यभूमी दादर, दीक्षाभूमी नागपुर ते राजगीर – बुद्धगया- सारनाथ – धर्मशाळा- लेह-लद्दाख पर्यंत व यावर्षी या वर्षी १८ फेब्रुवारी रोजी बुद्धांच्या जन्मभूमी पासून सारनाथ , लुंबिनी पर्यंत भव्य धम्म पदयात्रेचे आयोजन करण्यात आले आहे. या धम्म पदयात्रेत सहभागी होण्याचे आवाहन डॉ.सिद्धार्थ हत्तीअंबिरे यांनी केले आहे.