परभणी(प्रतिनिधी )मराठी वृत्तपत्रसृष्टीचे जनक, आद्य पत्रकार बाळशास्त्री जांभेकर यांचे जगातल्या नऊ भाषावर प्रभुत्व होते. त्यांनी मराठी भाषेत भाषेत सर्वात प्रथम दर्पण नावाचे वृत्तपत्र सुरु केले. त्यांचा पत्रकारितेतील वारसा जपणे हे आपल्या पत्रकारांचे कर्तव्यच आहे. अत्यंत कमी आयुष्य लाभलेल्या बाळशास्त्री जांभकरांची पत्रकारितेची परंपरा, त्यांचा वारसा आजच्या पत्रकारांनी जपणे आवश्यक आहे असं प्रतिपादन मराठी पत्रकार परिषदेचे सरचिटणीस प्रा.सुरेश नाईकवाडे यांनी केले.
परभणी जिल्हा मराठी पत्रकार संघाच्या वतीनं बाळाशास्त्री जांभेकर यांची जयंतीनिमित्त अभिवादन कार्यक्रम शहरातील अतिथी हॉटेल या ठिकाणी आयोजित करण्यात आला. यावेळी प्रहार संघटनेचे जिल्हा अध्यक्ष शिवलिंग बोधने, डॉ. सुनील तुरुकमाने, मराठी पत्रकार संघाचे जिल्हाध्यक्ष प्रभु दिपके, हल्ला विरोधी कृती समितीचे रामेश्वर शिंदे, कार्याध्यक्ष लक्ष्मण मानोलीकर, राजकुमार हटेकर, आदी उपस्थित होते.
पुढे बोलताना प्रा. नाईकवाडे म्हणाले की पत्रकारिता ही आधुनिक झाली आहे. आणि आव्हानही तेवढेच वाढले आहेत. एखाद्या व्यक्तीच्या समर्थनात आपण जेव्हा लिखाण करतो तेव्हा आपल्याला वाहवा करत समर्थन करतात. परंतु एखाद्या वेळी आपण एखाद्या व्यक्तीच्या कार्यक्षमतेवर ताशेरे ओढत असताना त्यांचे मन दुखते. परंतु आपण आपले कर्तव्य पार पडले पाहिजे. कोणाला खुश करण्यासाठी किंवा कोणाच्या विरोधात आकस भावनेने पत्रकारिता करु नये असेही ते म्हणाले. यावेळी विठ्ठल वडकुते, सुधाकर श्रीखंडे, मोईन खान, अनिल दाभाडकर, प्रशांत खंदारे, भूषण मोरे, संजय बगाटे, शिवशंकर सोनुने, राहुल वहिवाळ, बालाजी कांबळे, नजीब सिद्दिकी, बाळू घिके, सय्यद जमील, सय्यद खिजर, हरीभाउ सुतारे, संजय घनसावंत, राहुल पुंडगे, शेख आजर, शेख इस्माईल, सदाशिव राऊत, आदी मोठ्या प्रमाणावर पत्रकारांची उपस्थिती होती. कार्यक्रमाचे सूत्रसंचालन राहुल वहिवाळ यांनी केले तर आभार सुधाकर श्रीखंडे यांनी मानले.
Sunday, November 22
ताज्या बातम्या:
- खा. रामराव वडकूते यांचे नवी दिल्लीत अल्पशा आजाराने निधन
- दामपुरी येथून ५ लाखांची बोलेरो पिकअप चोरीला; अज्ञात चोरट्याविरुद्ध गुन्हा
- विशेष लोकअदालतीत 32 प्रकरणे निकाली : धनादेश अनादर प्रकरणांतून 28 लाख 96 हजार 806 रुपयांची वसुली; 21 नोव्हेंबर रोजी आयोजन
- कौसडीच्या सचिन अरुण गिरी यांना पीएच.डी. पदवी प्रदान गावाच्या शिरपेचात मानाचा तुरा
- राष्ट्रीय नवजात शिशु सप्ताहानिमित्त उपजिल्हा रुग्णालय गंगाखेड येथे जनजागृतीपर कार्यक्रमाचे आयोजन
- परभणीतील वाहतूक कोंडी, अतिक्रमण आणि खड्ड्यांचा प्रश्न ऐरणीवर; जिल्हाधिकाऱ्यांकडे AIYF चे सविस्तर निवेदन!
- संत तुकाराम महाविद्यालयात उद्या हभप बाळू महाराज गिरगावकर यांचे कीर्तन; स्व. अॅड. शेषरावजी भरोसे (आबा) यांच्या 17 व्या पुण्यस्मरणानिमित्त आयोजन
- छत्रपती शिवाजी महाराज पुतळा परिसरात बसच्या चाकाखाली सापडून एकाचा मृत्यू ; दुसरा जखमी


