आशा स्वयंसेविका यांच्या हक्कासाठी सातत्याने आवाज उठवणार- आ.डॉ.राहुल पाटील

परभणी,  ः (प्रतिनिधी) आशा स्वयंसेविका या खऱ्या अर्थाने ग्रामीण भागामध्ये आणि शहरी भागातही आरोग्य दूत म्हणून काम करतात त्यांच्यामुळे गोरगरीब रुग्णांना, गरोदर मातांना आरोग्यसेवा मिळते त्यामुळे त्यांच्या हक्कासाठी आपण सतत लढणार असे प्रतिपादन आमदार डॉ.राहुल पाटील यांनी केले.
विधानसभेत आशा स्वयंसेविका यांच्या मानधन व इतर समस्या बाबत प्रश्न उपस्थित केल्याबद्दल जिल्ह्यातील आशा स्वयंसेविका आयटक संघटनेच्या वतीने आमदार पाटील यांचा सत्कार करण्यात आला यावेळी आमदार पाटील बोलत होते. संघटनेचे राज्य उपाध्यक्ष कॉम्रेड मुगाजी बुरुड, राज्य अध्यक्ष कॉम्रेड राजू देसले राज्य संघटक राधाबाई पांचाळ, जिल्हा सचिव समता कदम, संजीवनी स्वामी, एम.जोगदंड, शिवम पांचाळ, बालिका केदार, आम्रपाली यमगर, अर्चना चोखट, यमुना जाधव, मायवती खंदारे, दिक्षा पंडीत, शिवनदा इंगळे, सुलोचना वैद्य, लता खंदारे, द्रोपती सूर्यवंशी, एमजी जोगदंड, कोमल पोंडी, प्रयाग मोरे, भाग्यश्री थोरात, रमा गायकवाड, पूजा सर्वि सुनिता ईकर, सुनिता वाघमारे, शोभा सुरेकर, राधा नाईक सलमा शेख कांताबाई शिंदे व आशा वर्कर गटप्रवर्तक जास्तीत जास्त संख्येने उपस्थित होते.