परभणी,(प्रतिनिधी) : गेल्या काही वर्षातील बदलत्या परिस्थितीमुळे पत्रकारितोसमोर सुध्दा मोठ मोठी आव्हाने उभी राहीली आहेत. ही आव्हाने माध्यमांना, पत्रकारांना स्विकारावी लागणार आहेत, तरच टीकाव लागणार आहेत, असे मत ज्येष्ठ पत्रकार श्रीमती हेमा रसाळ यांनी व्यक्त केले.
आद्य पत्रकार आचार्य बाळशास्त्री जांभेकर यांना दर्पण दिनानिमित्त अभिवादनाचा कार्यक्रम येथील पत्रकार भवन ट्रस्टद्वारे पत्रकार भवनात आज मंगळवारी आयोजित करण्यात आला होता. त्याप्रसंगी त्या बोलत होत्या. यावेळी ज्येष्ठ पत्रकार विजय जोशी हे अध्यक्षस्थानी होते.
पत्रकारिता क्षेत्रात दिवसेंदिवस मोठे बदल होत बदल स्विकारल्याशिवाय गत्यंतर नाही. स्पर्धेत टिकावयाचे असेल, तर हे बदल स्विकारणे अनिवार्य आहे. त्यामुळेच नव्या पिढीने हे बदल ओळखले पाहिजेत, स्विकारले पाहिजे, त्याद्वारे याक्षेत्रात सर्वोत्तम कामगिरी केली पाहिजे, असे त्या म्हणाल्या.
यावेळी ज्येष्ठ पत्रकार जोशी यांनी समाजबांधणीसह समाजसुधारण्यात पत्रकारितेचे मोठे योगदान आहे. या बदलत्या स्थितीत सुध्दा माध्यमांनी, पत्रकारांनी अत्यंत जबाबदारीने, अत्यंत गांभीर्याने समाजबांधणीचे, समाजनिर्मितीचे काम इनामे इतबारे बजावले पाहिजे. तरच समाज सर्वार्थाने सक्षमपणे उभा राहील व राष्ट्राची प्रगतीकडील वाटचाल सुकर होत राहील, असे म्हटले.
यावेळी पत्रकार प्रवीण देशपांडे यांनी प्रास्ताविकातून दर्पण दिनानिमित्त आद्य पत्रकार आचार्य बाळशास्त्री जांभेकर यांच्या दर्पण या वर्तमानपत्रासह विविध भाषातील पहिल्या दैनिकांचा परिचय करुन दिला. तर पत्रकार प्रा. सुरेश नाईकवाडे यांनी आभार मानले. यावेळी ज्येष्ठ पत्रकार दिलीप माने, संतोष धारासूरकर, पत्रकार संघाचे अध्यक्ष प्रभू दिपके, प्रदिप बनसोडे, आनंत पोहनेरकर, मोहसीन खान, दिनकर देशपांडे, उत्तम बोरसुरीकर, प्रमोद बल्लाळ, शिरीष जयपुरकर आदी पत्रकार मोठ्या संख्येने उपस्थित होते.
Sunday, November 22
ताज्या बातम्या:
- खा. रामराव वडकूते यांचे नवी दिल्लीत अल्पशा आजाराने निधन
- दामपुरी येथून ५ लाखांची बोलेरो पिकअप चोरीला; अज्ञात चोरट्याविरुद्ध गुन्हा
- विशेष लोकअदालतीत 32 प्रकरणे निकाली : धनादेश अनादर प्रकरणांतून 28 लाख 96 हजार 806 रुपयांची वसुली; 21 नोव्हेंबर रोजी आयोजन
- कौसडीच्या सचिन अरुण गिरी यांना पीएच.डी. पदवी प्रदान गावाच्या शिरपेचात मानाचा तुरा
- राष्ट्रीय नवजात शिशु सप्ताहानिमित्त उपजिल्हा रुग्णालय गंगाखेड येथे जनजागृतीपर कार्यक्रमाचे आयोजन
- परभणीतील वाहतूक कोंडी, अतिक्रमण आणि खड्ड्यांचा प्रश्न ऐरणीवर; जिल्हाधिकाऱ्यांकडे AIYF चे सविस्तर निवेदन!
- संत तुकाराम महाविद्यालयात उद्या हभप बाळू महाराज गिरगावकर यांचे कीर्तन; स्व. अॅड. शेषरावजी भरोसे (आबा) यांच्या 17 व्या पुण्यस्मरणानिमित्त आयोजन
- छत्रपती शिवाजी महाराज पुतळा परिसरात बसच्या चाकाखाली सापडून एकाचा मृत्यू ; दुसरा जखमी


