परभणी( प्रतिनिधी) परभणी महानगरात भारतीय जनता पार्टीच्या वतीने पश्चिम बंगाल, आसाम आणि पुदुच्चेरी या राज्यांमध्ये मिळालेल्या उल्लेखनीय यशाच्या पार्श्वभूमीवर भव्य आनंदोत्सव साजरा करण्यात आला. या विजयामुळे पक्ष कार्यकर्त्यांमध्ये प्रचंड उत्साह निर्माण झाला असून शहरभर आनंदाचे वातावरण निर्माण झाले होते.
कार्यक्रमासाठी मोठ्या प्रमाणावर पक्षाचे जिल्हाध्यक्ष, नगरसेवक, तसेच प्रदेश व जिल्हा स्तरावरील पदाधिकारी उपस्थित होते. विविध आघाड्या व प्रकोष्ठांचे पदाधिकारीही उत्साहात सहभागी झाले. यात युवा मोर्चा, महिला मोर्चा, अनुसूचित जाती-जमाती, ओबीसी, अल्पसंख्याक, किसान मोर्चा तसेच कायदा, प्रज्ञा, वैद्यकीय, शिक्षक, शिक्षण संस्था, भटके-विमुक्त, अपंग विकास, ज्येष्ठ कार्यकर्ते, झोपडपट्टी सेल, कामगार, व्यापारी, सहकार, सांस्कृतिक, उद्योग, आध्यात्मिक, जैन, बेटी बचाओ-बेटी पढाओ, माजी सैनिक, पंचायतराज, ट्रान्सपोर्ट आणि पदवीधर प्रकोष्ठ यांचा समावेश होता.
या सोहळ्यात जिल्हा कार्यकारिणी सदस्य, मंडळ कार्यकारिणी, शक्तीकेंद्र प्रमुख, बूथ प्रमुख तसेच मोठ्या संख्येने कार्यकर्ते आणि भाजपा प्रेरित नागरिकांनी उत्स्फूर्त सहभाग नोंदवला. कार्यक्रमादरम्यान घोषणाबाजी, फटाक्यांची आतषबाजी आणि मिठाई वाटप करण्यात आले. संपूर्ण परिसरात जल्लोषाचे वातावरण पाहायला मिळाले.
यावेळी भाजपा महानगर जिल्हाध्यक्ष श्री. शिवाजी भरोसे यांच्या नेतृत्वाखाली ॲड. एन. डी. देशमुख, मोकींद खिल्लारे, डॉ. केदार खटिंग, श्मोहन कुलकर्णी, भालचंद्र गोरे, कमलकिशोर अग्रवाल, संजय रिझवानी,. दत्तात्रय दैठणकर, सौ. मंगलताई मुदगलकर,. मधुसूदन जोशी, सुरज चोपडे, सौ. मनीषा जाधव, हम्मु चाऊस, शेख निहाल, मोहम्मद गौस, अब्दुल हमीद, . संदीप कोकडवार आदी मान्यवर पदाधिकारी आणि कार्यकर्ते उपस्थित होते.
उपस्थित मान्यवरांनी आपल्या मनोगतातून पक्षाच्या या विजयाचे महत्त्व अधोरेखित केले. त्यांनी सांगितले की, हा विजय म्हणजे जनतेचा विश्वास आणि विकासाच्या राजकारणाला मिळालेला कौल आहे. पुढील काळातही जनतेच्या अपेक्षांनुसार काम करून पक्ष अधिक बळकट करण्याचा निर्धार व्यक्त करण्यात आला.
कार्यक्रमाच्या शेवटी सर्व कार्यकर्त्यांनी एकजुटीने पक्षाच्या विचारसरणीचा प्रसार करण्याचा आणि आगामी निवडणुकांमध्ये अधिक जोमाने काम करण्याचा संकल्प केला. या जल्लोषाने परभणी शहरात राजकीय उत्साह निर्माण झाल्याचे चित्र पाहायला मिळाले.
Sunday, November 22
ताज्या बातम्या:
- खा. रामराव वडकूते यांचे नवी दिल्लीत अल्पशा आजाराने निधन
- दामपुरी येथून ५ लाखांची बोलेरो पिकअप चोरीला; अज्ञात चोरट्याविरुद्ध गुन्हा
- विशेष लोकअदालतीत 32 प्रकरणे निकाली : धनादेश अनादर प्रकरणांतून 28 लाख 96 हजार 806 रुपयांची वसुली; 21 नोव्हेंबर रोजी आयोजन
- कौसडीच्या सचिन अरुण गिरी यांना पीएच.डी. पदवी प्रदान गावाच्या शिरपेचात मानाचा तुरा
- राष्ट्रीय नवजात शिशु सप्ताहानिमित्त उपजिल्हा रुग्णालय गंगाखेड येथे जनजागृतीपर कार्यक्रमाचे आयोजन
- परभणीतील वाहतूक कोंडी, अतिक्रमण आणि खड्ड्यांचा प्रश्न ऐरणीवर; जिल्हाधिकाऱ्यांकडे AIYF चे सविस्तर निवेदन!
- संत तुकाराम महाविद्यालयात उद्या हभप बाळू महाराज गिरगावकर यांचे कीर्तन; स्व. अॅड. शेषरावजी भरोसे (आबा) यांच्या 17 व्या पुण्यस्मरणानिमित्त आयोजन
- छत्रपती शिवाजी महाराज पुतळा परिसरात बसच्या चाकाखाली सापडून एकाचा मृत्यू ; दुसरा जखमी


