सेलू,(प्रतिनिधी) : सेलू नगरपरिषदेच्या प्रभाग क्रमांक 11 मधील भारतीय जनता पक्षाचे नगरसेवक अन्वर खान दिलावर खान पठाण यांना अनुसूचित जमाती प्रमाणपत्र तपासणी समितीच्या निर्णयामुळे मोठा धक्का बसला आहे. ‘तडवी भिल्ल’ या अनुसूचित जमातीचे जात प्रमाणपत्र वस्तुस्थिती लपवून आणि लबाडीने प्राप्त केल्याचे नमूद करत समितीने त्यांचे जात प्रमाणपत्र रद्द करून जप्त करण्याचे आदेश दिले आहेत.
अनुसूचित जमाती प्रमाणपत्र तपासणी समिती क्रमांक 2, छत्रपती संभाजीनगर विभाग, छत्रपती संभाजीनगर यांनी महाराष्ट्र अधिनियम क्रमांक 23, सन 2001 मधील कलम 7(6) अन्वये समितीसमोर झालेल्या कार्यवाहीच्या आधारे हा निर्णय घेतला आहे. समितीने दि. 22 जुलै 2026 रोजी यासंदर्भातील लेखी आदेश जारी केला. समितीच्या आदेशावर संशोधन अधिकारी तथा सदस्य सुजाता गायकवाड, उपसंचालक तथा सदस्य सचिव सुरेश रामटेके आणि सहआयुक्त तथा उपाध्यक्ष सुरेश वानखेडे यांच्या स्वाक्षर्या असल्याचे आदेशात नमूद करण्यात आले आहे.
दरम्यान, जात प्रमाणपत्र रद्द करण्याच्या या निर्णयामुळे सेलू शहरातील राजकीय वर्तुळात खळबळ उडाली आहे. प्रभाग क्रमांक 11 मधील नगरसेवकपदाबाबत पुढील कायदेशीर आणि प्रशासकीय प्रक्रिया काय होणार, याकडे आता नागरिकांसह राजकीय वर्तुळाचे लक्ष लागले आहे.
Sunday, November 22
ताज्या बातम्या:
- खा. रामराव वडकूते यांचे नवी दिल्लीत अल्पशा आजाराने निधन
- दामपुरी येथून ५ लाखांची बोलेरो पिकअप चोरीला; अज्ञात चोरट्याविरुद्ध गुन्हा
- विशेष लोकअदालतीत 32 प्रकरणे निकाली : धनादेश अनादर प्रकरणांतून 28 लाख 96 हजार 806 रुपयांची वसुली; 21 नोव्हेंबर रोजी आयोजन
- कौसडीच्या सचिन अरुण गिरी यांना पीएच.डी. पदवी प्रदान गावाच्या शिरपेचात मानाचा तुरा
- राष्ट्रीय नवजात शिशु सप्ताहानिमित्त उपजिल्हा रुग्णालय गंगाखेड येथे जनजागृतीपर कार्यक्रमाचे आयोजन
- परभणीतील वाहतूक कोंडी, अतिक्रमण आणि खड्ड्यांचा प्रश्न ऐरणीवर; जिल्हाधिकाऱ्यांकडे AIYF चे सविस्तर निवेदन!
- संत तुकाराम महाविद्यालयात उद्या हभप बाळू महाराज गिरगावकर यांचे कीर्तन; स्व. अॅड. शेषरावजी भरोसे (आबा) यांच्या 17 व्या पुण्यस्मरणानिमित्त आयोजन
- छत्रपती शिवाजी महाराज पुतळा परिसरात बसच्या चाकाखाली सापडून एकाचा मृत्यू ; दुसरा जखमी


