आ. डॉ. राहुल पाटील यांच्या उपस्थितीत 20 हून अधिक तंत्रज्ञांचा वीज कर्मचारी अधिकारी अभियंता सेनेत प्रवेश

परभणी,(प्रतिनिधी) : आमदार डॉ. राहुल पाटील यांच्या नेतृत्वावर विश्‍वास ठेवून महावितरणमधील विविध कर्मचारी संघटनांशी संबंधित 20 हून अधिक तंत्रज्ञांनी मंगळवारी महाराष्ट्र राज्य वीज कर्मचारी अधिकारी अभियंता सेनेत प्रवेश केला.
आमदार डॉ. राहुल पाटील हे महाराष्ट्र राज्य वीज कर्मचारी अधिकारी अभियंता सेनेचे कार्याध्यक्ष असून त्यांच्या नेतृत्वाखाली संघटनेची राज्यभर संघटनात्मक बांधणी वेगाने सुरू आहे. विविध कर्मचारी संघटनांतील अधिकारी, पदाधिकारी आणि कर्मचारी मोठ्या संख्येने या संघटनेत सहभागी होत असल्याचे यावेळी सांगण्यात आले. प्रवेश कार्यक्रमात आमदार डॉ. राहुल पाटील यांनी नव्याने प्रवेश करणार्‍या तंत्रज्ञांचे स्वागत केले. वीज कर्मचारी, अधिकारी व अभियंत्यांवर होणार्‍या अन्यायाविरुद्ध तसेच त्यांच्या विविध प्रलंबित प्रश्नांच्या सोडवणुकीसाठी संघटना सातत्याने कार्यरत असल्याचे त्यांनी नमूद केले. संघटनेच्या कार्यपद्धतीवर विश्वास ठेवून अनेक तंत्रज्ञांनी संघटनेत प्रवेश केल्याचेही यावेळी सांगण्यात आले.
यावेळी राजेश डुब्बे, दत्ता जाधव, संतोष लोखंडे, संतोष बर्वे, विशाल जाधव, प्रसाद सिंगणापूरकर, मुख्य संघटक जीवन मुगळीकर, रमाकांत गायकवाड, अभिजीत कुलकर्णी, के. डी. धर्माधिकारी यांच्यासह पदाधिकारी व कर्मचारी उपस्थित होते.