दुष्काळी परिस्थितीत फायनान्स कंपन्यांची बळजबरीची वसुली थांबवा : शिवसेनेची मागणी; सेलू तहसीलदारांना निवेदन

सेलू,(प्रतिनिधी) : दुष्काळी परिस्थितीमुळे आर्थिक अडचणीत सापडलेल्या नागरिकांना मायक्रो फायनान्स व इतर फायनान्स कंपन्यांच्या कर्जाचे हप्ते भरणे कठीण जात आहे. अशा परिस्थितीत फायनान्स कंपन्यांकडून कर्जदारांची बळजबरीने वसुली केली जात असल्याच्या तक्रारी समोर येत आहेत. शासनाच्या निर्देशांचे उल्लंघन करून सुरू असलेली ही वसुली तातडीने थांबवावी, अशी मागणी शिवसेनेच्या वतीने करण्यात आली आहे.
शिवसेनेचे जयसिंग शेळके, किशोर भांडवले, पिंटू पवार, शिवाजी मोकाटे, रवी लांडगे यांच्यासह अन्य पदाधिकार्‍यांनी शुक्रवारी सेलू तहसीलदारांना याअनुषंगाने एक निवेदन सादर केले. त्याद्वारे, सेलू शहरासह तालुक्यातील अनेक गावांमधील नागरिकांनी मायक्रो फायनान्स व इतर वित्तीय संस्थांकडून कर्ज घेतले आहे. मात्र, दुष्काळी परिस्थितीमुळे अनेक कुटुंबांचे आर्थिक गणित कोलमडले असून, त्यांना नियमित हप्ते भरणे जड जात आहे. अशा परिस्थितीत शासनाने फायनान्स कंपन्यांनी कर्जदारांकडून बळजबरीने वसुली करू नये, असे क्षऋ दिलेले असतानाही काही ठिकाणी दबाव टाकून वसुली केली जात आहे, हे या निवेदनाद्वारे निदर्शनास आणून दिले.
या पार्श्‍वभूमीवर फायनान्स कंपन्यांच्या प्रतिनिधींची बैठक बोलावून त्यांना बळजबरीची वसुली न करण्याबाबत स्पष्ट सूचना द्याव्यात, अशी मागणी निवेदनाद्वारे करण्यात आली. तसेच नागरिकांना त्रास देण्याचे प्रकार सुरूच राहिल्यास शिवसेना स्टाईलने त्यांचा बंदोबस् कात करण्यात येईल, असा इशाराही पदाधिकार्‍यांनी दिला.