वंचित बहुजन आघाडीच्या दुसऱ्या यादीत माजू लाला यांना उमेदवारी जाहीर

परभणी,(प्रतिनिधी) : आगामी विधानसभा निवडणूकीच्या पार्श्‍वभूमीवर वंचित बहुजन आघाडीने बुधवारी (दि.09) मुंबईतून विधानसभा मतदारसंघांतर्गत दुसरी उमेदवारांची यादी जाहीर केली. त्यात परभणी मतदारसंघातून माजी उपमहापौर सय्यद समी सय्यद साहेबजान उर्फ माजू लाला यांना उमेदवारी  जाहीर करण्यात आली.
आज  बुधवारी (दि 9) वंचित बहुजन आघाडीने मुंबईतून दुसरी यादी जाहीर केली. त्या यादीत परभणी विधानसभा मतदार संघा साठी माजी उपमहापौर माजू लाला यांना उमेदवारी जाहीर केली.  गेल्या चार महिन्यांपूर्वीच माजू लाला हे शिवसेनेच्या शिंदे गटात दाखल झाले होते. परंतु, विधानसभा निवडणूकीच्या पार्श्‍वभूमीवर माजू लाला यांनी वंचित बहुजन आघाडीत प्रवेश केला. त्यामुळे त्यांना उमेदवारी देण्यात आली.