102 वर्षीय वृद्धाने गृहभेटी टपाली मतदान द्वारे बजावला मतदानाचा हक्क

पाथरी,(प्रतिनिधी) : पाथरी विधानसभा मतदारसंघातील 85 वर्षावरील ज्येष्ठ नागरीक व दिव्यांगांकरीता निवडणूक विभागाद्वारे गृहभेटीद्वारे टपाली मतदानास सुरुवात झाली असून गुरुवारी वाघाळा येथील 102 वर्षीयभीमराव घुंबरे व 95 वर्षीय श्रीमती पदमिनबाई भिमराव घुंबरे यांनी मतदानाचा हक्क बजावला.
दिव्यांग व 85 वर्षा पुढील जेष्ठ नागरीकांचे घरोघरी जाऊन मतदान करून घेण्यासाठी 16 मतदान पथके रवाना झाली असून पाथरी विधानसभा मतदारसंघातील 528 ज्येष्ठ नागरिक व 48 दिव्यांग 48 मतदारांच्या घरी जाऊन मतदान करून घेण्याची प्रक्रिया गुरुवार, शुक्रवार व शनिवार या तीन दिवसात राबविली जाणार आहे. पहिल्या दिवशी पथकातील सदस्यांनी विविध गावांना भेटी देऊन पात्र मतदारांचे मतदान प्रक्रिया करून घेतली. वाघाळा येथील भीमराव बाळाभाऊ घुंबरे (वय 102 वर्ष) व श्रीमती पदमिनबाई भिमराव घुंबरे (वय 95 वर्ष) यांनी मतदान केले. यावेळी पथकातील पथक प्रमुख भानुदास पाटील, सूक्ष्म निवडणूक निरीक्षक खेरले, मंडळ अधिकारी शिवाजी, तलाठी सचिन साबळे, श्रीमती रंजना खिल्लारे, नरोटे, गवारे आदी उपस्थित होते.