मुख्य कार्यकारी अधिकारी नतिशा माथुर यांनी टपाली मतदानाव्दारे केले मतदान

परभणी, (प्रतिनिधी) जिल्हा परिषदेच्या मुख्य कार्यकारी अधिकारी नतिशा माथुर यांनी आज टपाली मतदान सुविधेच्या माध्यमातून आपला मतदानाचा हक्क बजावला.
विधानसभा निवडणूक कर्तव्यावरील अधिकारी व कर्मचाऱ्यांना मतदानाचा हक्क बजावता यासाठी टपाली मतदानाची सुविधा उपलब्ध करण्यात आली आहे. परभणी येथील तहसिल कार्यालयातील टपाली मतदान सुविधा केंद्रात श्रीमती माथुर यांनी मतदानाचा हक्क बजावला.
मतदान हे आपले हक्क व कर्तव्य आहे. भारतीय लोकशाही अधिक बळकट करण्यासाठी प्रत्येक मतदाराने दि. 20 नोव्हेंबर रोजी आपला मतदानाचा हक्क बजवावा, असे आवाहन त्यांनी केले.
***