चतुरंग प्रतिष्ठानच्यावतीने 1 व 2 डिसेंबर रोजी यशवंतराव चव्हाण स्मृती व्याख्यानमाला

परभणी,(प्रतिनिधी) : येथील चतुरंग प्रतिष्ठानच्यावतीने 1 व 2 डिसेंबर रोजी आयोजित केलेल्या यशवंतराव चव्हाण स्मृती व्याख्यानमालेत 1 डिसेंबर रोजी सौ. सिताबाई मोहिते व 2 डिसेंबर रोजी प्रा. गणेश शिंदे हे या दोघा वक्त्यांचे व्याख्यान होणार आहे.
वसमत रस्त्यावरील श्री शिवाजी महाविद्यालयाच्या सांस्कृतिक सभागृहात सायंकाळी 6 वाजता आयोजित केलेल्या या व्याख्यानमालेत 1 डिसेंबर रोजी सौ. सिताबाई मोहिते (जालना) या ‘मी केले तुम्ही करा, उद्योगाची कास धरा’ या विषयावर तर 2 डिसेंबर रोजी प्रा. गणेश शिंदे (अहिल्यानगर) हे ‘संत परंपरा व आजची पिढी’ या विषयावर विचार मांडणार आहेत.
यावर्षी व्याख्यानमालेचे हे 20वे वर्ष आहे. या व्याख्यानमालेत दरवर्षी वेगवेगळ्या क्षेत्रातील उल्लेखनीय काम करणार्‍या वक्त्यांचा समावेश राहिला आहे.