परभणी (प्रतिनिधी) स्वत:च्या जीवाची पर्वा न करता दिवस, रात्र रुग्णसेवेत केवळ नौकरी म्हणुन नव्हे तर संकट काळात सामाजिक बांधिलकी म्हणून परिचारिका काम करत असतात हे कोरोना काळात अनुभवले आहे. आजही त्याच निष्ठेने त्यांचे कार्य सुरु आहे. त्यामुळे त्यांचा सन्मान करणे प्रत्येकाचे कर्तव्य आहे असे प्रतिपादन जिल्हा शल्य चिकीत्सक डॉ.नागेश लखमावार यांनी केले.
येथील धनेश्वरी मानव विकास मंडळ संचलित परभणी नर्सिंग कॉलेज बी.एसस्सी. नर्सिंग विभागातील प्रथम वर्षातील विद्यार्थ्यांचा शपथ ग्रहण समारंभ दि.२ जानेवारी रोजी परभणी मेडिकल कॉलेज येथे पार पडला. यावेळी डॉ. लखमावार बोलत होते. यावेळी संस्थेचे उपाध्यक्ष तथा वैद्यकीय महाविद्यालयाचे अधिष्ठाता डॉ. प्रमोद शिंदे, पेडगाव प्राथमिक आरोग्य केंद्राचे वैद्यकीय अधिकारी डॉ. सुभाष कदम, डॉ.जयदेव उघडे, डॉ. गुरुनाथ बिराजदार, प्राचार्य एस आरती उपस्थित होते.
यावेळी बोलताना डॉ. लखमावार यांनी परिचारिकांच्या कार्याचा आढावा घेतला. नर्सिंग क्षेत्राशी जोडल्या जाणाऱ्या परिचारिका सर्वात आधी रुग्णांच्या अहारोत्र सेवेची प्रतिज्ञा घेतात. ज्याप्रमाणे जगातील पहिल्या परिचारिका प्लेरेन्स नाइटिंगेल यांनी मेणबत्ती घेऊन रुणांची सेवा केली त्याचप्रमाणे आपण देखील रुग्णांची सेवा करुन त्यांच्या आयुष्यातील अंधार दूर करू व त्यांना प्रकाशाकडे नेऊ यासाठी शपथ घेतली जाते असे सांगीतले.
यावेळी प्राचार्य एस.आरती यांनीही मार्गदर्शन केले. नर्सिंग महाविद्यालयात उत्तम प्रकारच्या परिचारिका घडविण्यासाठी आम्ही कटिबद्ध आहोत. सेवाभावी वृत्तीने रुग्णांची सेवा करणाºयांची वृत्ती नवीन पिढीत वृधींगत करायला हवी असे त्या म्हणाल्या. कार्यक्रमासाठी प्रशासकीय अधिकारी विशाल आहेर, प्रा. ऋषिकेश गायकवाड, प्रा.गायत्री वाघमारे, प्रा.क्षितिजा रोडे, प्रा. सुप्रिया वाघ, सौरभ कुलथे आदींनी पुढाकार घेतला.
Sunday, November 22
ताज्या बातम्या:
- खा. रामराव वडकूते यांचे नवी दिल्लीत अल्पशा आजाराने निधन
- दामपुरी येथून ५ लाखांची बोलेरो पिकअप चोरीला; अज्ञात चोरट्याविरुद्ध गुन्हा
- विशेष लोकअदालतीत 32 प्रकरणे निकाली : धनादेश अनादर प्रकरणांतून 28 लाख 96 हजार 806 रुपयांची वसुली; 21 नोव्हेंबर रोजी आयोजन
- कौसडीच्या सचिन अरुण गिरी यांना पीएच.डी. पदवी प्रदान गावाच्या शिरपेचात मानाचा तुरा
- राष्ट्रीय नवजात शिशु सप्ताहानिमित्त उपजिल्हा रुग्णालय गंगाखेड येथे जनजागृतीपर कार्यक्रमाचे आयोजन
- परभणीतील वाहतूक कोंडी, अतिक्रमण आणि खड्ड्यांचा प्रश्न ऐरणीवर; जिल्हाधिकाऱ्यांकडे AIYF चे सविस्तर निवेदन!
- संत तुकाराम महाविद्यालयात उद्या हभप बाळू महाराज गिरगावकर यांचे कीर्तन; स्व. अॅड. शेषरावजी भरोसे (आबा) यांच्या 17 व्या पुण्यस्मरणानिमित्त आयोजन
- छत्रपती शिवाजी महाराज पुतळा परिसरात बसच्या चाकाखाली सापडून एकाचा मृत्यू ; दुसरा जखमी


