लोकनेते विजय वाकोडे यांच्या कुटुंबीयांना संबोधी विद्यालयाच्या वतीने आर्थिक सहाय्य

परभणी( प्रतिनिधी) परभणी तील संविधान प्रतिकृती विटंबननेनंतर आंबेडकर चळवळीतील लोकनेते विजय वाकोडे यांचे ह्रदय विकाराच्या तीव्र झटक्याने निधन झाले. लोकनेते विजय वाकोडे यांच्या कुटुंबीयांना सामाजिक , मानसिक आणि आर्थिक पाठबळाची गरज होती. ही गरज ओळखून समाजभूषण भीमराव हत्तीअंबीरे यांनी या कुटुंबीयांना फार मोठा मानसिक आधार दिला सोबतच आर्थिक सहकार्याचे आव्हान केले आणि त्यांच्या कुटुंबीयांना आर्थिक मदतीचा ओघ सुरू झाला. या आव्हानाला प्रतिसाद म्हणून संबोधी विद्यालय,परभणी च्या वतीने रु.27600 आर्थिक मदत देण्यात आली. या मदतीचा धनादेश दि.06 जानेवारी रोजी लोकनेते विजय वाकोडे यांचे चिरंजीव आशिष वाकोडे यांच्याकडे संबोधी विद्यालयाचे स्थानिक नियामक मंडळाचे अध्यक्ष भगवान जगताप यांच्या हस्ते देण्यात आला. यावेळी रवि सोनकांबळे , शेषराव जल्हारे,सिद्धार्थ भराडे राहूल घनसावंत सुधिर साळवे मुख्याध्यापक अविनाश मालसमिंदर आदि उपस्थित होते.