शेखराजुर शिवारात आढळला वृध्दाचा मृतदेह; मयताची ओळख पटेना; मृत्यूचे कारण अस्पष्ट

पालम (प्रतिनिधी) तालुक्यातील शेखराजुर शिवारात पारवा रोडच्या बाजुला एका अनोळखी इसमाचा मृतदेह दिनांक १० फेब्रुवारी रोजी सकाळच्या सुमारास आढळून आला. मयताची ओळख पटलेली नाही.
शेखराजुर शिवारातील प्रसाद माधवराव कोंडापुरे यांच्या शेताजवळ एका अनोळखीचा मृतदेह पडला असल्याची माहिती पालम पोलिस स्टेशन येथे कळताच तातडीने घटनास्थळी पो.नि. सुरेश थोरात यांनी धाव घेतली. मृतदेह ताब्यात घेत पालम ग्रामीण रुग्णालयात आणण्यात आला. सदर इसमाचा मृत्यू नेमका कशामुळे झाला आहे याचा शोध घेतला जात आहे. मयताजवळ त्याची ओळख पटेल असे कोणतेही साहित्य मिळून आले नाही. सदर इसमाला कोणी ओळखत असेल तर पालम पोलिसांशी संपर्क साधुन माहिती द्यावी असे आवाहन पो.नि. सुरेश थोरात यांनी केले आहे.