परभणी मेडिकल कॉलेज येथे महिलांसाठी मोफत सर्व रोगनिदान तपासणी शिबिर

परभणी, (प्रतिनिधी) जागतिक महिला दिनानिमित्त परभणी मेडिकल कॉलेज व आर.पी.हॉस्पिटल रिसर्च इन्स्टिट्यूट यांच्या वतीने महिलांसाठी रविवार दि.16 मार्च रोजी सकाळी नऊ वाजता मोफत सर्व रोग निदान तपासणी व उपचार शिबिराचे आयोजन करण्यात आले आहे.
आ.डॉ.राहुल पाटील यांच्या संकल्पनेतून परभणी मेडिकल कॉलेज येथे सातत्याने आरोग्य शिबिरांचे आयोजन करण्यात येत आहे,आता महिला दिनानिमित्त परभणी मेडिकल कॉलेज आर.पी. हॉस्पिटल रिसर्च इन्स्टिट्यूट यांच्या वतीने महिलांसाठी सर्व रोग निदान आरोग्य तपासणी शिबिराचे आयोजन करण्यात आले आहे यामध्ये कर्ण तपासणी, रक्तदाब, पल्स तपासणी, सीबीसी तसेच रक्तातील सर्व तपासण्या अस्थिरोग, हाडातील ठिसूळता तपासणी, नेत्र तपासणी, दंत तपासणी, फिजिओथेरपी या सर्व तपासण्या मोफत करण्यात येणार आहेत. या तपासणीत ज्या महिलांना मोतीबिंदूची शस्त्रक्रिया करण्याची गरज आहे अशा सर्व महिलांची तपासणी करून अत्याधुनिक सोयी सुविधांनी सुसज्ज असलेल्या आर.पी. हॉस्पिटल आणि रिसर्च सेंटर येथे मोफत शस्त्रक्रिया करण्यात येणार आहे. या शिबिराला येण्यासाठी महिलांसाठी बसची व्यवस्था करण्यात आली असून जिंतूर रोडवरील नूतन विद्या मंदिर आणि शिवाजीनगर येथील आमदार डॉ.पाटील यांचे संपर्क कार्यालय येथे सकाळी नऊ ते 11 या दरम्यान बस उपलब्ध राहणार आहे. या शिबिराचा लाभ घेण्याचे आवाहन डॉ.संप्रिया राहुल पाटील महाविद्यालयाचे अधिष्ठाता डॉ.प्रमोद शिंदे वैद्यकीय अधीक्षक डॉ.अमीर तडवी यांनी केले आहे.