परभणी (प्रतिनिधी) : परभणी पंचायत समिती अंतर्गत शाखा अभियंता अण्णासाहेब किशनराव तोडे यास 10 हजार रुपयांची लाच स्विकारतांना लाच लुचपत प्रतिबंधक खात्याच्या एका पथकाने ताब्यात घेतले.
15 व्या वित्त आयोगामध्ये अंगणवाडीतील कंपाऊंड वॉल व नालीचे बांधकाम तक्रारकर्त्याने केले होते. या बांधकामाचे एमबी लिहिण्याकरीता परभणी पंचायत समितीत कागदपत्रे सादर केली. 4 मार्च रोजी शाखा अभियंता अण्णासाहेब किशनराव तोडे यास संबंधित तक्रारदार भेटले. परंतु, एमबी लिहिण्याकरीता 10 हजार रुपये द्यावे लागतील, असे तोडे यांनी स्पष्ट शब्दात सांगितले. ही रक्कम लाच असून ती तक्रारकर्ता यांना द्यावयाची इच्छा नसल्याने तक्रारकर्त्यांनी लगेचच लाच लुचपत प्रतिबंधक खात्याकडे धाव घेतली.
या खात्याच्या पथकाने 18 मार्च रोजी लाच मागणीची पंचा समक्ष पडताळणी केली. त्यावेळी अण्णासाहेब किशनराव तोडे याने 10 हजार रुपयांच्या लाचेची मागणी करुन ती रक्कम स्विकारण्यास सहमती दर्शविल्याचे निदर्शनास आले. या खात्याच्या पथकाने 24 मार्च रोजी सापळा रचला, तेव्हा शाखा अभियंता तोडे हा तक्रारकर्त्याकडून 10 हजार रुपयांच्या लाचेची रक्कम पंचासमक्ष स्विकारतांना रंगेहाथ पकडला गेला. या खात्याच्या पथकाने तोडे यांची अंगझडती घेतली, त्यात रोख रक्कम 1 हजार 330 रुपये व मोबाईल सापडला. पथकाने तातडीने तोडे यांच्या यशोधन नगरातील निवासस्थानी घरझडती घेतली, त्यात रोख 58 हजार 500 रुपये आणि 80 ग्राम सोन्याचे दागिणे मिळाले.
दरम्यान, पोलिस अधिक्षक संदीप पालवे, अप्पर पोलिस अधिक्षक डॉ. संजय तुंगार, पोलिस उपअधिक्षक अशोक इप्पर यांच्या मार्गदर्शनाखाली पोलिस निरीक्षक श्रीमती माधुरी यावलीकर (नांदेड), एएसआय निलपत्रेवार, अनिरुध्द कुलकर्णी, सीमा चाटे, अतूल कदम, नामदेव आदमे, जे.जे. कदम, ईश्वर जाधव, शाम गोरपल्ले, नामपल्ले आदी परभणी व नांदेडच्या कर्मचार्यांनी या कारवाईत सहभाग घेतला.
Sunday, November 22
ताज्या बातम्या:
- खा. रामराव वडकूते यांचे नवी दिल्लीत अल्पशा आजाराने निधन
- दामपुरी येथून ५ लाखांची बोलेरो पिकअप चोरीला; अज्ञात चोरट्याविरुद्ध गुन्हा
- विशेष लोकअदालतीत 32 प्रकरणे निकाली : धनादेश अनादर प्रकरणांतून 28 लाख 96 हजार 806 रुपयांची वसुली; 21 नोव्हेंबर रोजी आयोजन
- कौसडीच्या सचिन अरुण गिरी यांना पीएच.डी. पदवी प्रदान गावाच्या शिरपेचात मानाचा तुरा
- राष्ट्रीय नवजात शिशु सप्ताहानिमित्त उपजिल्हा रुग्णालय गंगाखेड येथे जनजागृतीपर कार्यक्रमाचे आयोजन
- परभणीतील वाहतूक कोंडी, अतिक्रमण आणि खड्ड्यांचा प्रश्न ऐरणीवर; जिल्हाधिकाऱ्यांकडे AIYF चे सविस्तर निवेदन!
- संत तुकाराम महाविद्यालयात उद्या हभप बाळू महाराज गिरगावकर यांचे कीर्तन; स्व. अॅड. शेषरावजी भरोसे (आबा) यांच्या 17 व्या पुण्यस्मरणानिमित्त आयोजन
- छत्रपती शिवाजी महाराज पुतळा परिसरात बसच्या चाकाखाली सापडून एकाचा मृत्यू ; दुसरा जखमी


