पहेलगाम येथील अतिरेकी भ्याड हल्ल्याच्या निषेधार्थ पेठ शिवणी बाजारपेठ कडकडीत बंद

पालम (प्रतिनिधी) तालुक्यातील पेठ शिवणी येथील व्यापाऱ्यांनी जम्मू-काश्मीर राज्यातील पर्यटनस्थळ पहेलगाम या ठिकाणी हिंदू बांधवावर अतिरेक्यांनी बेछूट गोळ्या झाडून 27 लोकांचा जीव घेऊन काही जणांना गंभीर जखमी केले.
या घटनेची माहिती देशभरात समाज माध्यमावरून लोकांना समजली. त्यात पेठ शिवणी येथील व्यापाऱ्यांनी दिनांक 24 एप्रिल गुरुवार रोजी या घटनेच्या निषेधार्थ स्वयं स्फूर्तीने आपली दुकाने बंद ठेवली. यामुळे पेठ शिवणी बाजारपेठ कडकडीत बंद असल्याचे दिसून आले.
दरम्यान सकाळी 11 वाजता सर्व व्यापारी बांधव एकत्र येऊन अतिरेकी भ्याड हल्ल्यात मृत्यू मुखी पडलेल्या हिंदू बांधवांना सामूहिक श्रद्धांजली अर्पण केली. यानंतर घडलेल्या घटनेचा जाहीर निषेध नोंदविला. पेठशिवणी बाजारपेठ बंद असल्याची माहिती समजताच पालम पोलीस ठाण्याचे पोलीस निरीक्षक सुरेश थोरात, यांनी पेठशिवनी येथे जाऊन व्यापारी बांधवांची चर्चा केली ,बंद शांततेत पाळण्यात आला.