राष्ट्रवादी काँग्रेस पार्टी मेळावा व पक्षप्रवेश कार्यक्रमासाठी उपमुख्यमंत्री अजित दादा पवार उद्या परभणीत

परभणी ( प्रतिनिधी ) राष्ट्रवादी काँग्रेस पार्टीचे अध्यक्ष तसेच राज्याचे उपमुख्यमंत्री अजित दादा पवारउद्या परभणी जिल्ह्याच्या दौऱ्यावर येत आहेत त्यांच्या सोबत माजी मंत्री नवाब मलिक राष्ट्रवादी युवक काँग्रेसचे प्रदेशाध्यक्ष सूरज चव्हाण यांची उपस्थित राहणार असल्याची अशी माहिती आ राजेश विटेकर व प्रताप देशमुख यांनी दिली. उपमुख्यमंत्री अजित पवार हे नांदेड येथून श्री क्षेत्र नृसिंह पोखर्णी येथे सकाळी नऊ वाजता दर्शन साठी येणार आहेत तर त्यानंतर साडे दहा वाजता जिल्ह्यातील सर्व विभागप्रमुख यांची जिल्हाधिकारी कार्यालयात आढावा बैठक घेणार आहेत त्यानंतर महानगरपालिका कार्यालयात महानगरपालिका क्षेत्रातील विकास कामाचा आढावा घेतील, या शासकीय कार्यक्रमानंतर दुपारी बारा वाजता अक्षता मंगल कार्यालयात राष्ट्रवादी काँग्रेस पार्टी कार्यकर्ता मेळावा व पक्षप्रवेश होणार असल्याचे आ राजेश विटेकर व प्रताप देशमुख यांनी आमच्या प्रतिनिधीशी बोलताना सांगितले आहे. या कार्यक्रमास जिल्ह्यातील सर्व सेलचे जिल्हाध्यक्ष, तालुकाध्यक्ष, प्रमुख पदाधिकारी , नेते, माजी जिल्हा परिषद सदस्य, पंचायत समिती सदस्य, नगराध्यक्ष, नगरसेवक, कृषी उत्पन्न बाजार समिती सभापती, सदस्य, सरपंच, सोसायटी चेअरमन, व इतर प्रमुख नेते यांची उपस्थिती राहणार आहे सर्वांनी या कार्यक्रमास उपस्थित रहावे असे आवाहन आ राजेश विटेकर व प्रताप देशमुख यांनी केले आहे