परभणी,(प्रतिनिधी) : परभणी-हिंगोली स्थानिक स्वराज्यसंस्था मतदारसंघातून महायुतीचे उमेदवार सईद खान यांचा उमेदवारी अर्ज आज शिवसेनेचे मंत्री तथा प्रवक्ते संजय शिरसाठ यांच्या उपस्थितीत दाखल करण्यात आला यावेळी माध्यमांशी बोलताना सईद खान हे त्यांच्या प्रतिस्पर्ध्यांचे डिपॉझिट जप्त करतील, असा दावा शिवसेनेचे मंत्री तथा प्रवक्ते संजय शिरसाठ यांनी केला.
महायुतीचे अधिकृत उमेदवार म्हणून सईद खान यांनी सोमवारी (दि.01) जिल्हाधिकारी तथा निवडणूक अधिकारी कार्यालयात आपला उमेदवारी अर्ज दाखल केला. यावेळी शिवसेनेचे नेते मंत्री शिरसाठ, राज्यमंत्री तथा जिल्ह्याच्या पालकमंत्री सौ. मेघना साकोरे-बोर्डीकर, आमदार संतोष बांगर, माजी आमदार सुरेश वरपुडकर, विधान परिषद सदस्य हेमंत पाटील, माजी महापौर प्रताप देशमुख, माजी खासदार सुरेश जाधव, नगराध्यक्ष मिलींद सावंत, राजू कापसे, माणिकराव पौंढे, भाजपाचे जिल्हाध्यक्ष सुरेश भुमरे, शिवसेनेचे माजी जिल्हाप्रमुख व्यंकटराव शिंदे, आप्पाराव वावरे यांच्यासह शिवसेना-भाजपा महायुतीचे पदाधिकारी, लोकप्रतिनिधी, कार्यकर्ते आणि समर्थक उपस्थित होते.
यावेळी शिरसाठ यांनी माध्यमांच्या प्रतिनिधींशी बोलतांना सईद खान यांची उमेदवारी निश्चित झाली आहे. ते महायुतीचे उमेदवार असतील. महायुतीतील भारतीय जनता पार्टीसह राष्ट्रवादी काँग्रेस पक्ष व शिवसेना शिंदे गटाचे भक्कम असे समर्थन सईद खान यांच्या पाठीशी असेल, त्यामुळेच ते निश्चितच विजयी होतील, नव्हे प्रतिस्पर्ध्यांचे, विरोधकांचे डिपॉझिट जप्त करतील, असा विश्वास व्यक्त केला.
सिरसाठ यांनी जी काही मंडळी नाराज असतील, त्यांची नाराजी दूर केली जाईल, असे नमूद करतेवेळी महायुतीत सईद खान यांच्या उमेदवारी संदर्भात कोणतेही हेवे दावे नाहीत. सर्वानुमते महायुतीने सईद खान यांची उमेदवारी निश्चित केली आहे. या मतदारसंघात महायुतीचे भक्कम असे संख्याबळ आहे. त्यामुळे ते त्या संख्याबळाच्या जोरावर निवडून येतीलच, असा विश्वास सिरसाठ यांनी व्यक्त केला. आपण उमेदवारी अर्ज दाखल करण्याकरीता आलो आहोत. सईद खान यांच्या विजयाच्या जल्लोषातसुध्दा निश्चित सहभागी होऊ असे ते म्हणाले.
Sunday, November 22
ताज्या बातम्या:
- खा. रामराव वडकूते यांचे नवी दिल्लीत अल्पशा आजाराने निधन
- दामपुरी येथून ५ लाखांची बोलेरो पिकअप चोरीला; अज्ञात चोरट्याविरुद्ध गुन्हा
- विशेष लोकअदालतीत 32 प्रकरणे निकाली : धनादेश अनादर प्रकरणांतून 28 लाख 96 हजार 806 रुपयांची वसुली; 21 नोव्हेंबर रोजी आयोजन
- कौसडीच्या सचिन अरुण गिरी यांना पीएच.डी. पदवी प्रदान गावाच्या शिरपेचात मानाचा तुरा
- राष्ट्रीय नवजात शिशु सप्ताहानिमित्त उपजिल्हा रुग्णालय गंगाखेड येथे जनजागृतीपर कार्यक्रमाचे आयोजन
- परभणीतील वाहतूक कोंडी, अतिक्रमण आणि खड्ड्यांचा प्रश्न ऐरणीवर; जिल्हाधिकाऱ्यांकडे AIYF चे सविस्तर निवेदन!
- संत तुकाराम महाविद्यालयात उद्या हभप बाळू महाराज गिरगावकर यांचे कीर्तन; स्व. अॅड. शेषरावजी भरोसे (आबा) यांच्या 17 व्या पुण्यस्मरणानिमित्त आयोजन
- छत्रपती शिवाजी महाराज पुतळा परिसरात बसच्या चाकाखाली सापडून एकाचा मृत्यू ; दुसरा जखमी


