वंचित बहुजन आघाडीच्या दुसऱ्या यादीत लाला यांना उमेदवारी जाहीर

परभणी,( प्रतिनिधी) : आगामी विधानसभा निवडणूकीच्या पार्श्‍वभूमीवर वंचित बहुजन आघाडीने बुधवारी (दि.09) मुंबईतून काही विधानसभा मतदारसंघांतर्गत उमेदवारांची दुसरी यादी जाहीर केली यात परभणी मतदारसंघातून माजी उपमहापौर सय्यद समी सय्यद साहेबजान उर्फ माजू लाला यांचे नाव उमेदवार म्हणून जाहीर करण्यात आले आहे.
आज बुधवार (दि.9) मुंबईतून दुसरी यादी जाहीर केली. त्या यादीतून या आघाडीने माजी उपमहापौर माजू लाला यांना उमेदवारी जाहीर करण्यात आली. गेल्या चार महिन्यांपूर्वीच माजू लाला हे शिवसेनेच्या शिंदे गटात दाखल झाले होते. परंतु, विधानसभा निवडणूकीच्या पार्श्‍वभूमीवर माजू लाला यांनी वंचित बहुजन आघाडीत प्रवेश केला. त्यामुळे त्यांना उमेदवारी जाहीर करण्यात आली. त्यामुळे परभणी मतदान संघात आता चर्चा होत आहे.