एनसीसीतर्फे शिरीष जयपूरकर यांचा सन्मान

परभणी,(प्रतिनिधी) : एनव्हीएस मराठवाडा हायस्कूलचे राष्ट्रीय छात्र सेना (एनसीसी)चे ऑफिसर शिरीष जयपूरकर यांचा जवाहन नवोदय विद्यालयात एनसीसीने आयोजित केलेल्या एटीसी कॅम्पमध्ये नियम वयोमानानूसार एनसीसीतून सेवानिवृत्तीबद्दल 52 महाराष्ट्र बटालियन एनसीसी नांदेडचे कमांडिंग ऑफिसर तथा कर्नल रंगाराव यांच्याहस्ते शाल, श्रीफळ, स्मृतिचिन्ह व मानपत्र प्रदान करुन यथोचित गौरव करण्यात आला.
यावेळी एओ तथा कर्नल दिलीप रेड्डी, मेजर प्रशांत सराफ, लेफ्टनंट जयकुमार देशमुख, फर्स्ट ऑफिसर सावळे, सेंकड ऑफिसर रंगनाथ राठोड, थर्ड ऑफिसर सौ. नवशिंदे हे उपस्थित होते. या मान्यवरांनी आपल्या भाषणातून जयपूरकर यांनी एनसीसीत दिलेल्या अमूल्य योगदानाचे मुक्तकंठाने कौतूक केले. त्याचबरोबर एनसीसीचे सुभेदार मेजरसह सर्व परडे इन्स्ट्रक्टर व कार्यालयीन कर्मचारी तसेच कॅम्प्मधील 500 कॅडेट उपस्थित होते.