परभणी,(प्रतिनिधी) : येथील जिंतूर रोड प्रभाग क्रमांक 10 मधील शाहु नगर, भारत नगर व नेहरु नगरातील नागरीकांनी बुधवारी (दि.20) विधानसभा निवडणूकीच्या मतदानावर बहिष्कार टाकला.
महानगरपालिका प्रशासनाने गेल्या 40 वर्षांपासून मूलभूत सोयी सुविधा पुरविल्या नाहीत, पिण्याकरीता पाणी नाही, पथदिवे नाहीत, स्वच्छतागृहाची व्यवस्था नाही, रस्ते, नाल्या नसल्याने नागरिक हैराण होतें. या संदर्भात महापालिका प्रशासनाकडे नागरीकांनी वारंवार पाठपुरावा केला. मात्र आश्वासनापलिकडे काहीही मिळाले नाही. त्यामुळे या भागातील नागरीकांनी मतदानावरच बहिष्कार टाकून जिल्हा प्रशासनाचे लक्ष वेधण्याचा प्रयत्न केला.
दरम्यान, या नागरीकांच्या बहिष्काराचा निर्णय कळाल्याबरोबर महानगरपालिकेचे अतिरिक्त आयुक्त नेमिनाथ दंडवते, उपअभियंता वसीम पठाण, सहाय्यक आयुक्त प्रज्ञावंत कांबळे, शाखा अभियंता राहुल धुतडे यांनी धाव घेवून नागरीकांबरोबर हितगुज केले. हा संपूर्ण परिसर पाटबंधारे विभागाच्या अखत्यारीत येत असून आवश्यक कारवाई करीता त्यांच्याकडे पाठपुरावा होतो आहे. पाण्याचा निचरा होण्याकरीता तात्पुरत्या स्वरुपाची कच्ची नाली करुन देवू, असेही आश्वासन दिले. परंतु, नागरीकांनी या अनुषंगाने ओळीनेही सकारात्मक प्रतिसाद दिला नाही. सातत्याने आश्वासने मिळाली आहेत, त्यापलिकडे काहीही झाले नाही, असे नागरीकांनी म्हटले. सायंकाळी साडेचार वाजेपर्यंत या भागातील मतदान केंद्रांवर शुकशुकाट होता.
Sunday, November 22
ताज्या बातम्या:
- खा. रामराव वडकूते यांचे नवी दिल्लीत अल्पशा आजाराने निधन
- दामपुरी येथून ५ लाखांची बोलेरो पिकअप चोरीला; अज्ञात चोरट्याविरुद्ध गुन्हा
- विशेष लोकअदालतीत 32 प्रकरणे निकाली : धनादेश अनादर प्रकरणांतून 28 लाख 96 हजार 806 रुपयांची वसुली; 21 नोव्हेंबर रोजी आयोजन
- कौसडीच्या सचिन अरुण गिरी यांना पीएच.डी. पदवी प्रदान गावाच्या शिरपेचात मानाचा तुरा
- राष्ट्रीय नवजात शिशु सप्ताहानिमित्त उपजिल्हा रुग्णालय गंगाखेड येथे जनजागृतीपर कार्यक्रमाचे आयोजन
- परभणीतील वाहतूक कोंडी, अतिक्रमण आणि खड्ड्यांचा प्रश्न ऐरणीवर; जिल्हाधिकाऱ्यांकडे AIYF चे सविस्तर निवेदन!
- संत तुकाराम महाविद्यालयात उद्या हभप बाळू महाराज गिरगावकर यांचे कीर्तन; स्व. अॅड. शेषरावजी भरोसे (आबा) यांच्या 17 व्या पुण्यस्मरणानिमित्त आयोजन
- छत्रपती शिवाजी महाराज पुतळा परिसरात बसच्या चाकाखाली सापडून एकाचा मृत्यू ; दुसरा जखमी


