छाननी प्रक्रियेतून 97 उमेदवारी अर्ज बाद : महानगरपालिका निवडणूक

परभणी,(प्रतिनिधी) : महानगरपालिकेच्या सार्वत्रिक निवडणूकीत एकूण 16 प्रभागातील 65 जागांकरीता अर्ज दाखल केलेल्या इच्छुकांपैकी एकूण 97 उमेदवारांचे अर्ज छाननी प्रक्रियेतून बाद झाले आहेत.
महानगरपालिकेतील 5 निवडणूक निर्णय अधिकार्‍यांनी बुधवारी छाननीची प्रक्रिया पूर्ण केली. परंतु, त्या छाननी प्रक्रियेतून अवैध ठरलेल्या नामनिर्देशन पत्रांची संख्या बुधवारी रात्री उशीरापर्यंत माध्यमांच्या प्रतिनिधींना दिली नाही. गुरुवारी सायंकाळी माध्यमांच्या प्रतिनिधींना या अवैध नामनिर्देशन पत्रांची संख्या प्रेसनोटच्या माध्यमातून हाती लागली.
त्याप्रमाणे प्रभाग क्रमांक 1 ब मधून 2, क मधून 5 तर ड मधून 2 असे एकूण 9, प्रभाग 2 ड मधून 1, प्रभाग क्रमांक 3 ब मधून 3, ड मधून 1, असे एकूण 4, प्रभाग 4 क मधून 1, प्रभाग 5 ब मधून 3, क मधून 3 असे एकूण 6, प्रभाग क्रमांक 6 अ मधून 1, प्रभाग क्रमांक 7 अ मधून 1, ब मधून 1, क मधून 11, ड मधून 7 असे एकूण 20, प्रभाग क्रमांक 8 अ मधून 4, ब मधून 5, क मधून 6 व ड मधून 5 असे एकूण 20, प्रभाग क्रमांक 9 अ मधून 1, ब मधून 2, क मधून 2, ड मधून 1 असे एकूण 6, प्रभाग क्रमांक 10 क मधून 1, प्रभाग क्रमांक 12 अ मधून 1, ब मधून 1, ड मधून 1 असे एकूण 3, प्रभाग क्रमांक 14 अ मधून 6, ब मधून 5, क्र मधून 3, ड मधून 6 असे एकूण 20, प्रभाग क्रमांक 15 अ मधून 1, प्रभाग क्रमांक 16 अ मधून 1, ब मधून 1 व ड मधून 1 असे एकूण 3 उमेदवारांचे अर्ज या छाननी प्रक्रियेतून अपात्र ठरविण्यात आले आहेत.