परभणी ( प्रतिनिधी) पशुवैद्यक व पशुविज्ञान महाविद्यालयात “संशोधनातील सांख्यिकीय साधने आणि डेटा विश्लेषण” या विषयावर (१४ ते १९ ओक्टोम्बर ) सहा दिवसीय आभाषि ( ऑनलाईन ) राष्ट्रीय स्तरावरील प्रशिक्षण संपन्न झाले.
या कार्यक्रमास प्रमुख पाहुणे म्हणून डॉ. अनिल भिकाने, संचालक विस्तार शिक्षण, महाराष्ट्र पशु व मस्त्य विज्ञान विद्यापीठ नागपूर, आणि राष्ट्रीय डेअरी संशोधन संस्था, कर्नाल, हरियाणा, येथील पशु अनुवंश व प्रजनन शास्त्र विभागाचे प्रमुख डॉ. विकास व्होरा हे होते तर या कार्यक्रमाच्या अध्यक्षस्थानी महाविद्यालयाचे सहयोगी अधिष्ठाता डॉ. सुधीर राजूरकर होते. या आभाषि ( ऑनलाईन ) सहा दिवसीय राष्ट्रीय प्रशिक्षणामध्ये देशातील विविध राज्यातील 450 हुन अधिक प्रशिक्षणार्थींनी सक्रिय सह्भाग घेऊन प्रशिक्षण पूर्ण केले असल्याचे प्रशिक्षणाचे संयोजक डॉ. साजिद अली, सहयोगी प्राध्यापक, पशु अनुवंश व प्रजनन शास्त्र विभाग यांनी सागितले.
संशोधनाचे लेख नामंकित दर्जेदार नियतकालिकांमध्ये प्रकाशित करण्यासाठी सांख्यिकीशास्त्राला अनन्य साधारण महत्व असून “संशोधनातील सांख्यिकीय साधने आणि डेटा विश्लेषण ” या विषयावर आभाषि ( ऑनलाईन ) पद्धतीने आयोजित केलेल्या या प्रशिक्षणाचा फायदा संशोधक, विद्यार्थी यांना निश्चितच होईल अशी अपेक्षा डॉ. अनिल भिकाने, संचालक विस्तार शिक्षण, महाराष्ट्र पशु व मस्त्य विज्ञान विद्यापीठ नागपूर यांनी समारोपीय भाषणामध्ये व्यक्त केली. तर राष्ट्रीय डेअरी संशोधन संस्था, कर्नाल, हरियाणा, येथील पशु अनुवंश व प्रजनन शास्त्र विभागाचे प्रमुख डॉ. विकास व्होरा यांनी,वेगवेगळ्या डाटा अनलिसिससाठी उपलब्ध असलेल्या सॉफ्टवेअर बद्दल प्रशिक्षणार्थींना अवगत केले तसेच राष्ट्रीय स्तरावरील उत्कृष्ट प्रशिक्षण आयोजित केल्याबद्दल आयोजकांचे अभिनंदन केले,
या आठवडाभर चाललेल्या राष्ट्रीय प्रशिक्षणात देशातील नामांकीत संशोधन संस्था व विद्यापीठातील संशोधक व प्राध्यापक डॉ. अब्दुल समद , डॉ. एस. एस. तोमर, डॉ. विकास व्होरा, डॉ. रवी कुमार ,डॉ. अनिल गोरे, डॉ. ए. पी. रुहील, डॉ. एस. पी. गीते, डॉ. मिलिंद वैद्य, डॉ. एस. पी. गीते , डॉ. जी. आर. गोवणे, डॉ. प्रतीक्षा कदम, डॉ. मिर्झा बेग,डॉ. तेजस शेंडे इत्यादीनी ” संशोधनातील सांख्यिकीय साधने आणि डेटा विश्लेषण ” या महत्वाच्या विषयासंदर्भात विविध विषयावर प्रशिक्षण दिले. या प्रशिक्षणास आलेम्बिक फार्मा कंपनीचे डॉ. करुणानिधी आणि डॉ. संतोष शिंदे यांनी ऑनलाईन च्या माध्यमातून व्यासपीठ उपलब्ध करून दिले.
या प्रशिक्षण कार्यक्रमाच्या यशस्वीतेसाठी महाविद्यालयाचे सहयोगी अधिष्ठाता डॉ. सुधीर राजूरकर यांच्या मार्गदर्शनाखाली या प्रशिक्षणाचे मुख्य संयोजक डॉ. साजिद अली , डॉ. बी.एस. कातकडे, डॉ. पंडित नांदेडकर, डॉ. महेश चोपडे,डॉ. एम. एफ. एम. एफ. सिद्दीकी , डॉ. सुनीत वानखेडे, डॉ. एम. बी.ए. सिद्दीकी डॉ. पी.एम. केकाण, डॉ. कल्याण टेकाळे, डॉ. पी. एस. बनकर, डॉ. क्रांती खारकर, डॉ. व्हि.डी. पवार , डॉ. ए. वाय. डोईफोडे , डॉ. प्राजक्ता जाधव. तसेच महाविद्यालयतील प्राध्यापक व विद्यर्थी यांनी परीश्रम घेतले. कार्यक्रमाचे सूत्रसंचलन डॉ.सुनीत वानखेडे यांनी केले तर आभार प्रदर्शन डॉ. पंडित नांदेडकर यांनी केले