शिवसेनेच्या वतीने जोरदार मोटारसायकल रॅली

परभणी,(प्रतिनिधी) : छत्रपती शिवाजी महाराज यांच्या जयंती निमित्त शिवसेनेच्या वतीने (शिंदे गट) बुधवारी (दि.19) जोरदार मोटारसायकल रॅली काढण्यात आली.
शिवसेनेचे महानगरप्रमुख नितेश देशमुख यांच्यावतीने आयोजित केलेल्या या मोटारसायकल रॅलीत शिवसेनेचे नेते आनंद भरोसे, भास्करराव लंगोटे, धम्मदीप रोडे, प्रभाकर कदम, बाळासाहेब पानपट्टे, गीता सूर्यवंशी, कल्पना दळवी, सूवर्णा देशमुख, मालनबाई धोत्रे, वैभव देशमुख, वैभव काकडे, वामन मोरे यांच्यासह अन्य नेते, पदाधिकारी व कार्यकर्ते मोठ्या संख्येने सहभागी झाले होते. या रॅलीतील कार्यकर्त्यांनी प्रचंड घोषणाबाजी करीत संपूर्ण परिसर दणाणून सोडला.