परभणी,(प्रतिनिधी) : परभणी जिल्ह्यातील युवा कुस्तीप्रेमी आणि सामाजिक कार्यकर्ते पैलवान संतोष उर्फ अमोल सोनाजी मोरे यांची महाराष्ट्र कुस्ती संघटनेच्या परभणी जिल्हाप्रमुखपदी निवड करण्यात आली आहे. महाराष्ट्र कुस्ती संघटनेचे पैलवान संग्राम कांबळे यांनी नुकतीच ही घोषणा केली.
पैलवान मोरे यांनी कुस्ती क्षेत्राबरोबरच सामाजिक क्षेत्रातही उल्लेखनीय कार्य केले आहे. जगदंब प्रतिष्ठानचे संस्थापक अध्यक्ष म्हणून त्यांनी परभणी येथे जगदंब कुस्ती संकुल उभारण्याचा संकल्प साकारत जिल्ह्यातील पारंपरिक कुस्तीला नवी दिशा देण्याचे काम हाती घेतले आहे. त्यांच्या नेतृत्वाखाली दरवर्षी निकाली कुस्त्यांच्या भव्य मैदानांचे आयोजन केले जाते. तसेच विविध सांस्कृतिक आणि सामाजिक उपक्रम, रक्तदान शिबिरे, गरीब व गरजू विद्यार्थ्यांना शालेय साहित्याचे वाटप आदी उपक्रम सातत्याने राबविण्यात येतात. याशिवाय होतकरू पैलवानांना खुराकासाठी मानधन व आर्थिक मदत देऊन त्यांना प्रोत्साहन देण्याचे कार्यही ते करत आहेत.
परभणी जिल्ह्यात अधिकाधिक गुणवंत पैलवान घडावेत, कुस्तीची परंपरा अधिक समृद्ध व्हावी आणि नवोदित खेळाडूंना योग्य व्यासपीठ उपलब्ध व्हावे, या उद्देशाने ते सातत्याने प्रयत्नशील आहेत. त्यांच्या निवडीबद्दल जिल्ह्यातील कुस्तीपटू, क्रीडाप्रेमी, सामाजिक कार्यकर्ते तसेच विविध संघटनांच्या पदाधिकार्यांकडून अभिनंदनाचा वर्षाव होत असून त्यांच्या पुढील वाटचालीस शुभेच्छा देण्यात येत आहेत.
Sunday, November 22
ताज्या बातम्या:
- खा. रामराव वडकूते यांचे नवी दिल्लीत अल्पशा आजाराने निधन
- दामपुरी येथून ५ लाखांची बोलेरो पिकअप चोरीला; अज्ञात चोरट्याविरुद्ध गुन्हा
- विशेष लोकअदालतीत 32 प्रकरणे निकाली : धनादेश अनादर प्रकरणांतून 28 लाख 96 हजार 806 रुपयांची वसुली; 21 नोव्हेंबर रोजी आयोजन
- कौसडीच्या सचिन अरुण गिरी यांना पीएच.डी. पदवी प्रदान गावाच्या शिरपेचात मानाचा तुरा
- राष्ट्रीय नवजात शिशु सप्ताहानिमित्त उपजिल्हा रुग्णालय गंगाखेड येथे जनजागृतीपर कार्यक्रमाचे आयोजन
- परभणीतील वाहतूक कोंडी, अतिक्रमण आणि खड्ड्यांचा प्रश्न ऐरणीवर; जिल्हाधिकाऱ्यांकडे AIYF चे सविस्तर निवेदन!
- संत तुकाराम महाविद्यालयात उद्या हभप बाळू महाराज गिरगावकर यांचे कीर्तन; स्व. अॅड. शेषरावजी भरोसे (आबा) यांच्या 17 व्या पुण्यस्मरणानिमित्त आयोजन
- छत्रपती शिवाजी महाराज पुतळा परिसरात बसच्या चाकाखाली सापडून एकाचा मृत्यू ; दुसरा जखमी


