परभणी (प्रतिनिधी) कर्तव्यात कसूर आणि प्रशासकीय अनियमितता प्रकरणी राज्य शासनाने परभणीचे जिल्हा आरोग्य अधिकारी डॉ. संजयकुमार पांचाळ आणि जिल्हा शल्यचिकित्सक डॉ. नागेश लखमावार यांच्यावर निलंबनाची कारवाई केली आहे. आज
१३ ऑगस्ट रोजी जारी करण्यात आलेल्या आदेशानुसार दोन्ही अधिकाऱ्यांना तत्काळ प्रभावाने निलंबित करण्यात आले आहे.
जिंतूर येथील एका घटनेत गर्भवती महिलेला परभणी येथील जिल्हा स्त्री रुग्णालयात उपचारासाठी दाखल करण्यात आले होते. मात्र, पुरेशा उपचाराअभावी संबंधित गर्भवती महिला आणि तिच्या गर्भातील बाळाचा मृत्यू झाल्याचा ठपका ठेवण्यात आला आहे. या प्रकरणात कर्तव्य बजावताना नियंत्रणीय व पर्यवेक्षकीय जबाबदारी योग्य पद्धतीने पार न पाडल्याचा आरोप करण्यात आला. या प्रकरणी विभागीय चौकशी प्रस्तावित करण्यात आली असून, महाराष्ट्र नागरी सेवा (शिस्त व अपील) नियमांनुसार डॉ. लखमावार यांच्यावर निलंबनाची कारवाई करण्यात आली आहे.
निलंबनाच्या कालावधीत डॉ. लखमावार यांचे मुख्यालय उपसंचालक, आरोग्य सेवा, लातूर मंडळ कार्यालय येथे निश्चित करण्यात आले आहे. निलंबन काळात शासनाच्या पूर्वपरवानगीशिवाय मुख्यालय सोडता येणार नसल्याचेही आदेशात नमूद करण्यात आले आहे.
दरम्यान, जिल्हा आरोग्य अधिकारी डॉ. संजय पांचाळ यांच्यावर प्रशासकीय आणि आर्थिक अनियमिततेचे गंभीर आरोप ठेवण्यात आले आहेत. प्रशासकीय कामकाजाकडे दुर्लक्ष करणे, गैरवर्तन करणे तसेच प्रशासकीय व वित्तीय कामकाजात गंभीर अनियमितता करून कर्तव्यात कसूर केल्याचा अहवाल मुख्य कार्यकारी अधिकारी नितीन माथुर यांनी दिला होता. या अहवालाच्या आधारे शासनाने डॉ. पांचाळ यांच्याविरुद्ध विभागीय चौकशी प्रस्तावित करून महाराष्ट्र नागरी सेवा नियमांनुसार त्यांना तत्काळ प्रभावाने निलंबित केले आहे.
निलंबनाच्या कालावधीत डॉ. पांचाळ यांचे मुख्यालय जिल्हा रुग्णालय, धाराशिव येथे निश्चित करण्यात आले आहे.
या दोन्ही अधिकाऱ्यांवरील कारवाईमुळे परभणी जिल्ह्यातील प्रशासकीय व आरोग्य विभागात मोठी खळबळ उडाली आहे….
Sunday, November 22
ताज्या बातम्या:
- खा. रामराव वडकूते यांचे नवी दिल्लीत अल्पशा आजाराने निधन
- दामपुरी येथून ५ लाखांची बोलेरो पिकअप चोरीला; अज्ञात चोरट्याविरुद्ध गुन्हा
- विशेष लोकअदालतीत 32 प्रकरणे निकाली : धनादेश अनादर प्रकरणांतून 28 लाख 96 हजार 806 रुपयांची वसुली; 21 नोव्हेंबर रोजी आयोजन
- कौसडीच्या सचिन अरुण गिरी यांना पीएच.डी. पदवी प्रदान गावाच्या शिरपेचात मानाचा तुरा
- राष्ट्रीय नवजात शिशु सप्ताहानिमित्त उपजिल्हा रुग्णालय गंगाखेड येथे जनजागृतीपर कार्यक्रमाचे आयोजन
- परभणीतील वाहतूक कोंडी, अतिक्रमण आणि खड्ड्यांचा प्रश्न ऐरणीवर; जिल्हाधिकाऱ्यांकडे AIYF चे सविस्तर निवेदन!
- संत तुकाराम महाविद्यालयात उद्या हभप बाळू महाराज गिरगावकर यांचे कीर्तन; स्व. अॅड. शेषरावजी भरोसे (आबा) यांच्या 17 व्या पुण्यस्मरणानिमित्त आयोजन
- छत्रपती शिवाजी महाराज पुतळा परिसरात बसच्या चाकाखाली सापडून एकाचा मृत्यू ; दुसरा जखमी


