परभणी,(प्रतिनिधी) : शहरातील मोकाट कुत्र्यांची वाढती संख्या लक्षात घेऊन महानगरपालिकेच्या वतीने श्‍वान निर्बीजीकरण मोहीम सुरू करण्यात आली आहे. शहरातील विविध भागांत मोकाट कुत्र्यांचा वावर वाढल्याने नागरिकांकडून त्यांच्या बंदोबस्ताची मागणी होत होती. या पार्श्‍वभूमीवर महापालिकेने मोकाट कुत्र्यांना पकडून त्यांचे निर्बीजीकरण करण्याची मोहीम हाती घेतली आहे.
यासाठी विशेष पथक नियुक्त करण्यात आले असून, हे पथक दररोज शहरातील विविध भागांतून मोकाट कुत्र्यांना ताब्यात घेत आहे. त्यानंतर त्यांच्यावर निर्बीजीकरणाची प्रक्रिया केली जात आहे. महापौर सय्यद इकबाल, उपमहापौर गणेश देशमुख, आयुक्त नितीन नार्वेकर आणि स्थायी समिती सभापती प्रतिभा अतुल सरोदे यांच्या सूचनेनुसार ही मोहीम राबविण्यात येत आहे.
महापालिकेकडून श्‍वान निर्बीजीकरण मोहिम सुरु ; नागरिकांच्या तक्रारींची दखल
By Lok Sanchar