स्वामी विवेकानंद मित्र मंडळ तर्फे गरजू कुटूंबांना शिधा वाटप

परभणी,(प्रतिनिधी) : दिवाळी सण आनंदाचा, उत्साहात चा, प्रकाशाचा. सर्वत्र दिवाळी चा सण साजरा होत असताना,  गोरगरिबांच्या दिवाळी पण आनंदात जावी या साठी ‘चलो जलाए दीप वहां जहां अभी अंधेरा हैं’ या उक्तिप्रमाणे येथील स्वामी विवेकानंद मित्र मंडळाच्यावतीने दिवाळी सणाचे औचित्य साधून गरीब व गरजू कुटूंबांना शिधा वाटप करण्यात आला.
जिंतूर रस्त्यावरील नूतन महाविद्यालयाच्या मैदानावर हे सर्व कुटूंब पाल ठोकून राहतात. या कुटूंबांची दिवाळी गोड व्हावी या उद्देशाने स्वामी विवेकानंद मित्रमंडळाच्यावतीने शिधा वाटप करुन दिवाळी साजरी करण्यात आली. यावेळी मित्र मंडळाचे अध्यक्ष संजय कुलकर्णी, गणेश निर्वळ पाटील, मिलिंद भोगवकर, वैभव मदनराव होगे, शंकर रोड़े ,गोपाल शर्मा, संतोष वहवाल, अविनाश चक्रवार, प्रवीण घोंघड़े, संचय दोषी, मकरंद मंडे, सावंगीकर, उमेश विश्रूप, प्रमोद कुलकर्णी आदींची उपस्थिती होती.