राष्ट्रीय जिम्नॅस्टिक स्पर्धेत परभणीचे खेळाडू चमकले

परभणी,(प्रतिनिधी) : गुजरात राज्यातील सुरत येथे 28 ते 31 डिसेंबर दरम्यान झालेल्या राष्ट्रीय जिम्नॅस्टिक स्पर्धेत परभणीच्या खेळाडूंनी भारतामध्ये मानाचा तुरा रोवला.
या स्पर्धेत 14 व 17 वर्षे या दोन्ही गटामध्ये सुवर्णपदक व रौप्य पदक अखंड भारतातून परभणी जिल्ह्यातील खेळाडूंनी मिळवले. त्यामधे प्रज्वल बाळासाहेब आंबोरे व आदित्य नितीन खळीकर अनुक्रमे 14 व 17 वयोगट सुवर्णपदक, पार्थ शिंदे व अभिषेक परमेश्‍वर शिंदे 14 व 17 वयोगट अनुक्रमे रौप्य पदक पटकावले.
तसेच सीनियर गट रमण संगीतम व साईदीप मठपलू कास्यपदक,च हर्षद जाठोडे टीम चॅम्पियनशिप सुवर्णपदक, दिव्या आवाड, वैष्णवी राऊत आक्रोबाटिक जिम्नॅस्टिक राष्ट्रीय सहभाग म्हणजेच परभणीच्या सर्व खेळाडूंनी चमकदार कामगिरी करत भारताला थक्क करणारा विजय मिळवून दिला. या विजयी खेळाडूंना आंतरराष्ट्रीय कोच प्रदीप लटपटे, संदीप लटपटे व वेदांत मुंडे यांचे मार्गदर्शन लाभले.
परभणी जिल्हा जिम्नॅस्टिक संघटनेचे सचिव उत्तमराव लटपटे, महाराष्ट्राचे सचिव डॉ. मकरंद जोशी, डॉ. पवन भोईर, अ‍ॅड. नितीन खळीकर, अ‍ॅड. परमेश्‍वर शिंदे, राजू आव्हाड, बाळासाहेब आंबोरे यांनी राष्ट्रीय स्पर्धेत सहभागी झालेल्या व विजयी झालेल्या खेळाडूंचे अभिनंदन केले.