श्री स्वामी समर्थ महाराज पुण्यतिथी भक्ती भावात साजरी

पालम (प्रतिनिधी) येथील दिंडोरी प्रणित श्री स्वामी समर्थ सेवा केंद्रात श्री स्वामी समर्थ महाराज पुण्यतिथी निमित्त 20 एप्रिल ते 26 एप्रिल या कालावधीत अखंड नामजप व यज्ञ सप्ताह मोठ्या भक्तीभावात साजरा करण्यात आला. आज शनिवारी दिनांक 26 एप्रिल रोजी या सप्ताहाची सांगता झाली. सकाळी साडेदहा नंतर आरती व नंतर महाप्रसाद वाटप करण्यात आला. यावेळी हजारो भाविकांनी आरती व महाप्रसादाचा लाभ भक्तीमय वातावरणात घेतला.