विश्‍व हिंदू परिषदेद्वारे उद्या गोपाळ दिंडी निघणार: दिंडीच्या पूर्वसंध्येस जोरदार तयारी

परभणी,(प्रतिनिधी) : प्रति वर्षाप्रमाणे यावर्षी देखील विश्‍व हिंदू परिषदेच्या वतीने आषाढी एकादशी निमित्त रविवार 6 जूलै रोजी गोपाळ दिंडीचे आयोजन करण्यात आलेले आहे.
मागील 49 वर्षापासून या दिंडीच्या माध्यमातून परभणीत प्रति पंढरपूर साकार होत आहे. या दिंडीमध्ये अनेक शाळांचे हजारो विद्यार्थी, वारकरी, संत यांच्या वेषभुषेत सहभागी होतात.यावर्षीही झांजपथक, ढोल ताशा पथक, लेझीम, व विठ्ठल नामाच्या जयघोषात बुधवारी सकाळी ठीक 8 वाजता माळी गल्लीतील हनुमान मंदिर येथून प्रारंभ होणार आहे. यावर्षीचे दिंडीचे यजमान श्री व सौ. आंबेकर यांच्या शुभहस्ते पूजन होईल व त्यानंतर दिंडी नारायण चाळ- स्टेशन रोड-गुजरी बाजार -शिवाजी चौक -नानलपेठ येथून -विद्यानगर – माऊली मंदिर या ठिकाणी या दिंडीचा समारोप होणार आहे.
या दिंडीत जास्तीत जास्त शाळेतील विद्यार्थ्यांनी तसेच सर्व हिंदू बांधवांनी सहभागी नोंदवावा, असे आवाहन विश्‍व हिंदू परिषदेचे अनंत पांडे, जिल्हा मंत्री राजकुमार भामरे, जिल्हा सहमंत्री मनोज काबरा, सुनील रामपूरकर, एस. आर. कुलकर्णी, शिवप्रसाद कोरे, सुरेंद्र शहाणे, प्रल्हादराव कानडे, सूर्यवंशी, गजानन नळगे, गणेश काळबांडे, शहराध्यक्ष अभिजीत कुलकर्णी, विनोद लोलगे व प्रचार प्रसिद्धी प्रमुख गोपाळ रोडे यांनी केले आहे.